Logo released | പ്രവാചക പ്രകീർത്തനങ്ങൾ കൊണ്ട് ആത്മീയാനുഭൂതി പകർന്ന് ദുബൈ നജാത്ത് 15-ാം വാർഷിക നിറവിൽ; 'റൂഹുൽ മദീന' ലോഗോ പ്രകാശനം പാണക്കാട് സയ്യിദ് മുനവ്വറലി ശിഹാബ് തങ്ങൾ നിർവഹിച്ചു

ദുബൈ: (MyKasargodVartha) പ്രവാചക പ്രകീർത്തനങ്ങൾ കൊണ്ട് ആത്മീയാനുഭൂതി പകർന്ന് ദുബൈ നജാത്ത് 15-ാം വാർഷികത്തിലേക്ക്. ആഘോഷങ്ങളുടെ ഭാഗമായി സംഘടിപ്പിക്കുന്ന 'റൂഹുൽ മദീന' പരിപാടിയുടെ ലോഗോ പ്രകാശനം പാണക്കാട് സയ്യിദ് മുനവ്വറലി ശിഹാബ് തങ്ങൾ നിർവഹിച്ചു. സ്വലാത് മജ്‌ലിസുകളാൽ വിശ്വാസികള്‍ക്ക് വേറിട്ട അനുഭവം സമ്മാനിച്ച് കഴിഞ്ഞ 32 വർഷക്കാലമായി തെരുവത്ത്‌ സജീവമായ നജാത്തുൽ ഇസ്ലാം സ്വലാത് മജ്‌ലിസിന്റെ ദുബൈ പതിപ്പാണ് ദുബൈ നജാത്ത്.
 

തെരുവത്ത് നടക്കുന്ന പരിപാടിയില്‍ തെരുവത്തെയും പരിസരത്തേയും വി

ശ്വാസികള്‍ മാത്രമല്ല, ദൂരദിക്കുകളില്‍ നിന്നു പോലും സ്വലാതിന്റെ പുണ്യം നേടാന്‍ ആളുകള്‍ എത്താറുണ്ട്. ഇതുപോലെ ദുബൈയിൽ നജാത്ത് നടത്തുന്ന സ്വലാത് മജ്‌ലിസുകളും ശ്രദ്ധേയമാണ്. ബുര്‍ദയുടേയും മറ്റ് പ്രവാചക കാവ്യങ്ങളുടെയും ഈരടികളുമാണ് സ്വലാത് മജ്‌ലിസിന്റെ പ്രത്യേകത.

ലോഗോ പ്രകാശന ചടങ്ങിൽ സാബിത് ഹുസൈൻ പള്ളിക്കാൽ, ബാസിത് മൂസ, മുഹമ്മദ് ജുനൈദ് ബാങ്കോട്, അബ്ദുൽ ഖാദർ ജീലാനി, സാബിത് പി സി, ബശീർ മെട്രോ, ഫിർദൗസ്‌ കോഴിക്കോട്, അശ്റഫ് ആരിക്കാടി, അയ്യൂബ് റശ്ഫൽ എന്നിവർ പങ്കെടുത്തു. ഡിസംബർ 24ന് ദെയ്‌റ പേൾ ക്രീക് ഹോടെലിലാണ് 'റൂഹുൽ മദീന' പരിപാടി നടക്കുന്നത്.

Keywords:News, Malayalam-News, Kasaragod-News, Gulf, Dubai, Najath, Malayalam News, Dubai Najath 15th Anniversary: Logo Launched