● ചെമ്മനാട് ആലിച്ചേരി എരിഞ്ഞിക്കൽ സ്വദേശി.
● ചികിത്സാ കമ്മിറ്റി ധനസമാഹരണം നടത്തി.
● അസുഖം മൂർച്ഛിച്ച് മരണം.
● സി ജെ എസ് എസ് പൂർവ്വ വിദ്യാർത്ഥി കൂടിയായിരുന്നു.
ചെമ്മനാട്: (My KasargodVartha) ഹൃദയസംബന്ധമായ അസുഖങ്ങളെ തുടർന്ന് ചികിത്സയിലായിരുന്ന യുവാവ് നിര്യാതനായി. ആലിച്ചേരി എരിഞ്ഞിക്കാൽ സ്വദേശിയും അടുക്കാടുക്കം ലക്ഷ്മി അമ്മ-ഭാസ്കരൻ നായർ ദമ്പതികളുടെ മകനുമായ മണിപ്രസാദ് (42) ആണ് ബെംഗളൂരിലെ സ്വകാര്യ ആശുപത്രിയിൽ വെച്ച് മരണപ്പെട്ടത്.
മണിപ്രസാദിന്റെ ചികിത്സയ്ക്കായി നാട്ടുകാരും സാമൂഹ്യപ്രവർത്തകരും ചേർന്ന് ഒരു ചികിത്സാ കമ്മിറ്റി രൂപീകരിച്ച് ധനസമാഹരണം നടത്തിവരികയായിരുന്നു. എന്നാൽ, ഇതിനിടെ അസുഖം മൂർച്ഛിച്ച് മരണം സംഭവിക്കുകയായിരുന്നു. ചെമ്മനാട് ജമാഅത്ത് ഹയർ സെക്കൻഡറി സ്കൂളിലെ 1997-98 എസ്.എസ്.എൽ.സി ബാച്ചിലെ പൂർവ വിദ്യാർത്ഥിയായിരുന്നു മണിപ്രസാദ്.
ഭാര്യ രാജേശ്വരി നീലേശ്വരം സ്വദേശിനിയാണ്. സാധിക (ക്രൈസ്റ്റ് സ്കൂൾ, മാവുങ്കാൽ), സായ് കൃഷ്ണ എന്നിവരാണ് മക്കൾ. മഞ്ജുഷ സഹോദരിയാണ്.
കാസർകോട് ജില്ലാ പഞ്ചായത്ത് വൈസ് പ്രസിഡന്റ് ഷാനവാസ് പാദൂർ, കാസർകോട് ബ്ലോക്ക് പഞ്ചായത്ത് മെമ്പറും ചെമ്മനാട് ജമാഅത്ത് കമ്മിറ്റി ജനറൽ സെക്രട്ടറിയുമായ എൻ.എ. ബദറുൽ മുനീർ, ചെമ്മനാട് ജമാഅത്ത് കമ്മിറ്റി പ്രസിഡന്റ് സി.ടി. അഹമ്മദ് അലി, ചെമ്മനാട് ഗ്രാമപഞ്ചായത്ത് പ്രസിഡന്റ് സുഫൈജ അബൂബക്കർ, വൈസ് പ്രസിഡന്റ് മൻസൂർ കുരിക്കൾ, ഒന്നാം വാർഡ് മെമ്പർ അമീർ പാലോത്ത്, പിരിസ്‌പ്പാട് കൂട്ടായ്മ പ്രതിനിധികൾ തുടങ്ങിയവർ മണിപ്രസാദിന്റെ വീട് സന്ദർശിച്ച് അനുശോചനം രേഖപ്പെടുത്തി. വൻ ജനാവലിയുടെ സാന്നിധ്യത്തിൽ മൃതദേഹം വീട്ടുവളപ്പിൽ സംസ്കരിച്ചു.
Article Summary In English (Recommended length: 80-150 characters): A 42-year-old man from Chemmanad, Mani Prasad, succumbed to heart disease in Bengaluru, leaving his community in profound sorrow despite fundraising efforts.
Keywords: Mani Prasad death news, Chemmanad heart disease news, Bengaluru hospital death news, Alicherry Erinjikkal news, Kasaragod district news, Community fundraising news, Tragic death news, Kerala obituary news