Book released | കെട്ട കാലത്ത് ഗാന്ധിജിയുടെ ജീവിതവും സന്ദേശങ്ങളും സാഹിത്യങ്ങളിലൂടെ ഓർമപ്പെടുത്തി കൊണ്ടേയിരിക്കുമെന്ന് സി വി ബാലകൃഷ്ണൻ; ചന്ദ്രൻ മുട്ടത്തിൻ്റെ 'ഉപ്പുസത്യാഗ്രഹം' പ്രകാശനം ചെയ്തു

പിലിക്കോട്: (my.kasargodvartha.com) കാലം മോശമായി കൊണ്ടിരിക്കുമ്പോൾ ഗാന്ധിജിയുടെ ജീവിതവും സന്ദേശങ്ങളും കഥാ-നോവൽ സാഹിത്യങ്ങളിലൂടെ ഓർമപ്പെടുത്തി കൊണ്ടിരിക്കുമെന്ന് നോവലിസ്റ്റ് സി വി ബാലകൃഷ്ണൻ അഭിപ്രായപ്പെട്ടു. പിലിക്കോട് ഫൈൻ ആർട്സ് സൊസൈറ്റി സംഘടിപ്പിച്ച എഴുത്തുകാരൻ ചന്ദ്രൻ മുട്ടത്തിൻ്റെ 'ഉപ്പുസത്യാഗ്രഹം' എന്ന കഥാസമാഹാരം പ്രകാശനം ചെയ്ത് സംസാരിക്കുകയായിരുന്നു അദ്ദേഹം.
              

      

ചരിത്രത്തിലും സാഹിത്യത്തിലും ഗാന്ധിജിയുടെ സമരായുധമായ ഉപ്പ് ഏറെ പഠനാർഹമായ വിഷയമാണെന്ന് പുസ്തകം ഏറ്റുവാങ്ങിയ നിരൂപകനും സാഹിത്യ അകാഡമി നിർവാഹക സമിതി അംഗവുമായ ഇ പി രാജഗോപാലൻ പറഞ്ഞു.

ഡോ. വത്സൻ പിലിക്കോട് പുസ്തക പരിചയം നടത്തി. വിനോദ് കുമാർ എരവിൽ അധ്യക്ഷത വഹിച്ചു. പി നാരായണൻ അടിയോടി, ചന്ദ്രൻ മുട്ടത്തിനെ പൊന്നാട ചാർത്തി ആദരിച്ചു. ടെന്നിസൺ ഇരവിപുരം പ്രസംഗിച്ചു. ജനറൽ സെക്രടറി സി ഭാസ്കരൻ സ്വാഗതവും കെ വി രമേഷ് നന്ദിയും പറഞ്ഞു. തുടർന്ന് സതീഷ് കുമാർ കുഞ്ഞിമംഗലത്തിൻ്റെ സോളോ ഡ്രാമ 'ദ ട്രെയിൻ' അരങ്ങേറി.

Keywords: Chandran Muttath's book 'Upp satyagraham' released, Kerala, Kasaragod, News, Book, Literature, Released, Fine arts club.

< !- START disable copy paste -->