Kerala

Gulf

Chalanam

Obituary

Video News

കോവിഡ് ഫസ്റ്റ് ലൈൻ ട്രീറ്റ്മെന്റ് സെന്ററിലേക്ക് ബി ജെ പിയുടെ പ്രതിഷേധ മാർച്; കൊറോണാ രോഗികളോട് സർകാർ കാണിക്കുന്നത് വഞ്ചനയെന്നും പാർടി

കാഞ്ഞങ്ങാട്: (my.kasargodvartha.com 22.01.2021) ഗുരുവനo കോവിഡ് ഫസ്റ്റ് ലൈൻ ട്രീറ്റ്മെൻറ് സെന്ററിലെ രോഗികളോട് സർകാർ കാണിക്കുന്നത് കടുത്ത വഞ്ചനയാണെന്ന് ബി ജെ പി ജില്ലാ ജനറൽ സെക്രടറി എ വേലായുധൻ കുറ്റപ്പെടുത്തി. കോവിഡ് രോഗികൾക്ക് ഗുണനിലവാരമുള്ള ഭക്ഷണവും കുടിവെള്ളവുമടക്കമുള്ള മറ്റ് അടിസ്ഥാന സൗകര്യങ്ങളും നൽകാത്തതിൽ പ്രധിഷേധിച്ചു കൊണ്ട് ബി ജെ പി അരയി ബൂത് കമിറ്റി നടത്തിയ പ്രതിഷേധ മാർച് ഉദ്ഘാടനം ചെയ്ത് സംസാരിക്കുകയായിരുന്നു എ വേലായുധൻ.


കൊറോണാ ട്രീറ്റ്മെന്റ് സെന്ററിലേക്ക് ഭക്ഷണം നൽകാനുള്ള കരാർ പാർടി നേതാവിന്റെ ഭാര്യയ്ക്ക് നേടികൊടുത്തു കൊണ്ട് സ്വജനപക്ഷപാതം കാട്ടുകയായിരുന്നു.

BJP protest march to COVID First Line Treatment Center; The party said the government's treatment of corona patients was a betrayal

പ്രഭാത ഭക്ഷണം 10.30 നും ഉച്ചഭക്ഷണം 3.30 നും മാത്രമേ കിട്ടുന്നുവെന്ന രോഗികളുടെ പരാതി ദിനംപ്രതി കൂടുകയാണ്. യാതൊരു ഗുണനിലവാരവുമില്ലാത്ത ഭക്ഷണം സമയത്തു കിട്ടുകയുമില്ലായെന്ന അവസ്ഥയാണ്. ശുചീകരണത്തിനായി പതിനാല് ദിവസത്തേക്ക് 18,000 രൂപ വേതന നിരക്കിൽ സ്വന്തക്കാരെ നിയമിച്ചിട്ടുണ്ടെങ്കിലും കൃത്യമായും വൃത്തിയായും ശുചീകരണം നടത്തുന്നില്ലെന്നാണ് രോഗികളുടെ പരാതി.

രോഗികളോട് നീതി കാണിച്ചു കൊണ്ട് ഭക്ഷണവും വെള്ളവും ശുചീകരണവും എത്രയും പെട്ടെന്ന് ചെയ്തില്ലെങ്കിൽ ബി ജെ പി രൂക്ഷമായ സമരവുമായി രംഗത്തിറങ്ങുമെന്ന് വേലായുധൻ മുന്നറിയിപ്പ് നൽകി.

പ്രതിഷേധ യോഗത്തിൽ മുനിസിപൽ സൗത്ത് ഏരിയാ പ്രസിസണ്ട് എ കൃഷ്ണൻ അധ്യക്ഷത വഹിച്ചു. എസ് സി മോർച മണ്ഡലം പ്രസിഡണ്ട് സി കെ വൽസലൻ, മുനിസിപൽ നോർത്ത് ഏരിയാ പ്രസിഡണ്ട് എച് ആർ ശ്രീധരൻ സംസാരിച്ചു. 

ബൂത് പ്രസിഡണ്ട് എം സുരേഷ് സ്വാഗതവും സന്തോഷ് ആചാരി അരയി നന്ദിയും പറഞ്ഞു.

Keywords: Kerala, News, Kasaragod, BJP, COVID, Corona, FLTC, BJP protest march to COVID First-Line Treatment Center; The party said the government's treatment of corona patients was a betrayal.


Web Desk Ahn

NEWS PUBLISHER

No comments:

Leave a Reply

Popular Posts

Featured Post

ആംബുലന്‍സുമായി ചരിത്രത്തിലേക്ക് ഓടിക്കയറിയ തമീമിന് കെ എം സി സിയുടെ സ്‌നേഹാദരം

ദുബൈ: (my.kasargodvartha.com 21.01.2018) കാസര്‍കോട് നിന്ന് തമീമെന്ന ചെറുപ്പക്കാരന്‍ ചരിത്രത്തിലേക്ക് ഓടിക്കയറുമ്പോള്‍ ലൈബ എന്ന ഒരു കുഞ്ഞു...

Archive