Kerala

Gulf

Chalanam

Obituary

Video News

കാസർകോട് കടപ്പുറത്ത് സർവ്വകക്ഷി കമ്മിറ്റിയുടെ ആഭിമുഖ്യത്തിൽ 1425 കിറ്റുകൾ വിതരണം ചെയ്തു

കാസർകോട്: (my.kasargodvartha.com 21.08.2020) കാസർകോട് കടപ്പുറത്ത് സർവ്വകക്ഷി കമ്മിറ്റിയുടെ ആഭിമുഖ്യത്തിൽ 1425 കിറ്റുകൾ വിതരണം ചെയ്തു. പഞ്ഞമാസങ്ങളിലെ ദാരിദ്ര്യത്തിനും കഷ്ടപ്പാടിനും പുറമെ കോവിഡ് - 19 പോസിറ്റീവ് കേസുകൾ കാസർകോട് കടപ്പുറത്തെ തൊഴിലാളികളുടെ ജീവിതം കൂടുതൽ ദുരിത പൂർണ്ണമാക്കിയ സാഹചര്യത്തിലാണ് എൻ എ നെല്ലിക്കുന്ന് എം എൽ എ മുൻകൈയെടുത്ത് ആഗസ്റ്റ് 5 ന് വിളിച്ച് ചേർത്തജനപ്രതിനിധികളുടെയും രാഷ്ട്രീയ പാർട്ടി പ്രതിനിധികളുടെയും ഉദ്യോഗസ്ഥരുടെയും യോഗം 2000 കിറ്റുകൾ വിതരണം ചെയ്യാൻ തീരുമാനിച്ചത്. 
ഇനിയും ചില കിറ്റുകൾ വിതരണം ചെയ്യാനുണ്ട്. ഇതുവരെയുള്ള പ്രവർത്തനങ്ങൾ വിലയിരുത്താൻ നഗരസഭാ അധ്യക്ഷ ബിഫാത്തിമ ഇബ്രാഹിമിൻ്റെ അധ്യക്ഷതയിൽ ചേർന്ന യോഗം എൻ എ നെല്ലിക്കുന്ന് എം എൽ എ ഉൽഘാടനം ചെയ്തു. കിറ്റുകൾ സമാഹരിക്കുന്നതിലും വിതരണം ചെയ്യുന്നതിലും എം എൽ എ യുടെ നേതൃത്വത്തിൽ നടത്തിയ പ്രവർത്തനങ്ങളെ യോഗം അഭിനന്ദിച്ചു.

ഈ സദുദ്യമത്തിൽ വ്യക്തികളുടെയും സ്ഥാപനങ്ങളുടെയും സംഘടനകളുടെയും സഹകരണം ശ്ലാഘനീയമാണ്. കസബ കടപ്പുറത്ത് മാത്രം സപ്ലൈകോയുടെ സൗജന്യ കിറ്റുകൾ നിഷേധിച്ച ബന്ധപ്പെട്ടവരുടെ നിലപാടിൽ യോഗം പ്രതിഷേധിച്ചു.

നഗരസഭ വൈസ് ചെയർമാൻ എൽ എ മഹമൂദ് ഹാജി, സെക്രട്ടറി മുഹമ്മദ് ഷാഫി, സ്ഥിരം സമിതി അധ്യക്ഷന്മാർ, കൗൺസിലർമാർ, ആരോഗ്യ വകുപ്പ് ഉദ്യോഗസ്ഥർ, വിവിധ രാഷ്ട്രീയ പാർട്ടി പ്രതിനിധികൾ, കടപ്പുറം ശ്രി കുറുംബാ ഭഗവതി ക്ഷേത്ര ഭാരവാഹികൾ, സ്ഥാനികന്മാർ, റവന്യൂ, പോലീസ്, കുടുംബശ്രി ഉദ്യോഗസ്ഥന്മാർ സംബന്ധിച്ചു.

Keywords: News, Kerala, Kit, Beach, Distributed, 1425 kits were distributed at Kasargod beach on the recommendation of the All-Party Committee

Web Desk Ahn

NEWS PUBLISHER

No comments:

Leave a Reply

Popular Posts

Featured Post

ആംബുലന്‍സുമായി ചരിത്രത്തിലേക്ക് ഓടിക്കയറിയ തമീമിന് കെ എം സി സിയുടെ സ്‌നേഹാദരം

ദുബൈ: (my.kasargodvartha.com 21.01.2018) കാസര്‍കോട് നിന്ന് തമീമെന്ന ചെറുപ്പക്കാരന്‍ ചരിത്രത്തിലേക്ക് ഓടിക്കയറുമ്പോള്‍ ലൈബ എന്ന ഒരു കുഞ്ഞു...

Archive