● സുപ്രീംകോടതി നിർദേശിച്ചിട്ടും തദ്ദേശ സ്ഥാപനങ്ങളുടെ ഷെൽട്ടർ പദ്ധതികളും വന്ധ്യംകരണ നടപടികളും പൂർണമായി പാളിയെന്ന് നാട്ടുകാരുടെ ആരോപണം
കുമ്പള: (MyKasargodVartha) തെരുവ് നായകളുടെ ശല്യം നിയന്ത്രിക്കാൻ തദ്ദേശസ്വയംഭരണ സ്ഥാപനങ്ങൾ പ്രഖ്യാപിച്ച ഷെൽട്ടർ പദ്ധതികൾ പൂർണമായും പാളിയതോടെ നാടുനീളെ തെരുവ് നായ്ക്കളെക്കൊണ്ട് നിറഞ്ഞിരിക്കുകയാണ്. കുമ്പള നഗരത്തിലും പരിസരപ്രദേശങ്ങളിലും നിലവിൽ തെരുവ് നായ ശല്യം അതിരൂക്ഷമാണ്.
സ്കൂൾ-മദ്രസ വിദ്യാർഥികൾ ദിവസവും നടന്നുപോകുന്ന റോഡുകളിലും ഇടവഴികളിലുമെല്ലാം തെരുവ് നായ്ക്കളുടെ വലിയ കൂട്ടങ്ങൾ തമ്പടിച്ചിരിക്കുകയാണ്. എപ്പോഴാണ് ഇവ കുട്ടികളുടെ മുന്നിലേക്ക് ചാടിവീഴുക എന്ന വലിയ ഭയപ്പാടിലാണ് പ്രദേശത്തെ വിദ്യാർഥികളും രക്ഷിതാക്കളും.
സുപ്രീംകോടതി നിർദേശവും എബിസി പദ്ധതിയും
തെരുവ് നായകളുടെ ആക്രമണത്തിൽ മനുഷ്യ ജീവനുകൾക്ക് തുടർച്ചയായി വലിയ ഭീഷണി നേരിടുന്നത് ചൂണ്ടിക്കാട്ടി സുപ്രീംകോടതി പോലും ഈ വിഷയത്തിൽ കർശനമായ നടപടികൾക്ക് സർക്കാരിനും തദ്ദേശസ്വയംഭരണ സ്ഥാപനങ്ങൾക്കും നിർദേശം നൽകിയിരുന്നു. എന്നാൽ പ്രശ്നത്തിൽ ശാശ്വതമായ ഒരു നിയന്ത്രണവും കൊണ്ടുവരാൻ തദ്ദേശസ്വയംഭരണ സ്ഥാപനങ്ങൾക്ക് ഇതുവരെ കഴിഞ്ഞിട്ടില്ല. ആകെ ചെയ്തത് കുറച്ച് നായ്ക്കളെ പിടികൂടി വന്ധ്യംകരിക്കുക മാത്രമാണെന്ന് നാട്ടുകാർ ആരോപിക്കുന്നു.
മർച്ചൻ്റ് യൂത്ത് വിങ്ങിൻ്റെ പ്രതിഷേധം
കുമ്പള നഗരത്തിൽ വിദ്യാർഥികൾക്കും പൊതുജനങ്ങൾക്കും നിരന്തരം ഭീഷണിയായിട്ടുള്ള തെരുവുനായ്ക്കളെ പിടികൂടാൻ അടിയന്തരമായി നടപടി സ്വീകരിക്കണമെന്ന് മർച്ചൻ്റ് യൂത്ത് വിങ് ആവശ്യപ്പെട്ടു. നടപടിയില്ലാത്തത് പ്രതിഷേധാർഹമാണെന്നും ഭാരവാഹികൾ വ്യക്തമാക്കി.
മർച്ചൻ്റ് യൂത്ത് വിങ് ജില്ലാ സെക്രട്ടറിയും യൂണിറ്റ് പ്രസിഡൻ്റുമായ അഷ്റഫ് സ്കൈലർ, യൂണിറ്റ് ജനറൽ സെക്രട്ടറി ഹൈദർ ക്ലിയർ ലൈറ്റ്, ട്രഷറർ സിദ്ദീഖ് മുബാറക് എന്നിവരാണ് പ്രതിഷേധത്തിന് നേതൃത്വം നൽകിയത്. തെരുവ് നായ ശല്യത്തിൽ അടിയന്തര പരിഹാരം ആവശ്യപ്പെട്ട് കുമ്പള ഗ്രാമപഞ്ചായത്തിന് പരാതി നൽകുമെന്നും നേതാക്കൾ അറിയിച്ചു.
ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം
Article Summary: The stray dog menace has become severe in Kumbla following the failure of the local body's shelter projects, leaving students and parents in fear. Despite Supreme Court directives, authorities have only managed minor sterilizations.
#KasargodVartha #KumblaNews #StrayDogMenace #KasaragodNews #MerchantYouthWing #LocalBodyFailure #ABCProject #KeralaNews #MalayalamNews #AparnaNews