● പ്രശസ്ത ലൈഫ് സ്കിൽ ട്രെയിനർ സുലൈമാൻ മേൽപത്തൂർ ക്ലാസ് നയിക്കും.
● സൂഫി ഗായകരായ സമീർ ബിൻസിയും ഇമാം മജ്ബൂറും ഗസൽ നൈറ്റ് അവതരിപ്പിക്കും.
● ഒക്ടോബറിൽ ദുബായിൽ നടക്കുന്ന 'ഹല കാസർകോട് ഗ്രാന്റ് ഫെസ്റ്റ്' വലിയ സംഗമമാകും.
കാസർകോട്: (MyKasargodVartha) ദുബായ് കെ.എം.സി.സി. കാസർകോട് ജില്ലാ കമ്മിറ്റി ഒക്ടോബറിൽ സംഘടിപ്പിക്കുന്ന 'ഹല കാസർകോട് ഫെസ്റ്റി'ൻ്റെ പ്രചാരണാർത്ഥം 'ഹല സെനാരിയോ' എന്ന പേരിൽ മോട്ടിവേഷണൽ ക്ലാസും ഗസൽ നൈറ്റും സംഘടിപ്പിക്കുന്നു. ജൂലൈ 27, ഞായറാഴ്ച വൈകുന്നേരം നാല് മണി മുതൽ കാസർക്കോട് പുതിയ ബസ് സ്റ്റാൻഡിന് സമീപമുള്ള ആർ.കെ. മാളിലെ ഗ്രാൻഡിയർ ഹാളിലാണ് പരിപാടി നടക്കുക.
പ്രശസ്ത ലൈഫ് സ്കിൽ ട്രെയിനർ സുലൈമാൻ മേൽപത്തൂർ ക്ലാസ്സിന് നേതൃത്വം നൽകും. തുടർന്ന് പ്രശസ്ത സൂഫി ഗായകരായ സമീർ ബിൻസിയുടെയും ഇമാം മജ്ബൂറിന്റെയും നേതൃത്വത്തിൽ ഗസൽ നൈറ്റും അരങ്ങേറും. ദുബൈയിൽ ഒക്ടോബർ 26-ന് എത്തിസലാത് അക്കാദമിയിൽ ദുബായ് കെ.എം.സി.സി. കാസർകോട് ജില്ലാ കമ്മിറ്റി സംഘടിപ്പിക്കുന്ന 'ഹല കാസർകോട് ഗ്രാന്റ് ഫെസ്റ്റ് 2025'ൻ്റെ പ്രചാരണാർത്ഥമാണ് ഈ പരിപാടി സംഘടിപ്പിക്കുന്നത്. കാസർകോടിന് പുറത്ത് കാസർകോട് ജില്ലക്കാരുടെ ഏറ്റവും വലിയ സംഗമമായിരിക്കും ദുബൈയിലെ ഈ ഫെസ്റ്റെന്ന് ഭാരവാഹികൾ പറഞ്ഞു.
ഇത് സംബന്ധിച്ച് തളങ്കര വെൽഫിറ്റ് മാനറിൽ ചേർന്ന യോഗത്തിൽ ദുബായ് കെ.എം.സി.സി. ജനറൽ സെക്രട്ടറി യഹ്യ തളങ്കര പരിപാടി ഉദ്ഘാടനം ചെയ്തു. ദുബായ് കെ.എം.സി.സി. കാസർകോട് ജില്ലാ പ്രസിഡന്റ് സലാം കന്യപ്പാടി അധ്യക്ഷത വഹിച്ചു. ജനറൽ സെക്രട്ടറി ഹനീഫ് ടി.ആർ. സ്വാഗതം പറഞ്ഞു.
ദുബായ് കെ.എം.സി.സി. സെക്രട്ടറി ഹംസ തൊട്ടി, ജില്ലാ ഭാരവാഹികളായ കെ.പി. അബ്ബാസ് കളനാട്, ആസിഫ് ഹൊസങ്കടി, അഷ്‌റഫ് ബായാർ, റഷീദ് ഹാജി കല്ലിങ്കാൽ, മണ്ഡലം ഭാരവാഹികളായ ഇബ്രാഹിം ബേരികെ, ഷുഹൈൽ കോപ്പ, സഫ്‌വാൻ അണങ്ങൂർ, ഉബൈദ് റഹ്മാൻ, ജബ്ബാർ ബൈദാല, മുനിസിപ്പൽ കെ.എം.സി.സി. ഭാരവാഹികളായ ഹാരിസ് ബ്രദേഴ്സ്, സർഫറാസ് പട്ടേൽ, ഹസൻ കുദുവ, മുഹമ്മദ് ഖാസിയാരകം, സമീൽ അബ്ദുല്ല തുടങ്ങിയവർ യോഗത്തിൽ പങ്കെടുത്തു. സെക്രട്ടറി പി.ഡി. നൂറുദ്ദീൻ നന്ദി രേഖപ്പെടുത്തി.
ഫോട്ടോ: ദുബായ് കെ.എം.സി.സി. കാസർക്കോട് ജില്ലാ കമ്മിറ്റി ജൂലൈ 27, ഞായറാഴ്ച സംഘടിപ്പിക്കുന്ന 'ഹല സെനാരിയോ'യുടെ പോസ്റ്റർ ദുബായ് കെ.എം.സി.സി. ജനറൽ സെക്രട്ടറി യഹ്യ തളങ്കര പ്രകാശനം ചെയ്യുന്നു.
Article Summary: Dubai KMCC Kasaragod District Committee organizes 'Hala Scenario' with a motivational class by Sulaiman Melpathur and a Ghazal Night by Sameer Binsi and Imam Majboor on July 27th at RK Mall, Kasaragod, as a promotion for 'Hala Kasaragod Grand Fest 2025' in Dubai.
Keywords: Kasaragod news, KMCC event Kasaragod, Hala Scenario Kasaragod, Motivational class Kasaragod, Ghazal night Kasaragod, Sulaiman Melpathur Kasaragod, Sameer Binsi Kasaragod, Imam Majboor Kasaragod
#KMCC #Kasaragod #HalaScenario #GhazalNight #MotivationalClass #KeralaEvents