ഭരണകൂട കെടുകാര്യസ്ഥത ഉദ്യോഗസ്ഥരുടെ തലയിൽ കെട്ടിവെക്കരുതെന്ന് എസ് ഇ യു; 'മിന്നൽ പരിശോധനകൾ നടത്തി ഉദ്യോഗസ്ഥരുടെ ആത്‌മാഭിമാനത്തെ ചോദ്യം ചെയ്യുന്ന വിധം പരസ്യമായി അധിക്ഷേപിക്കുന്നത് അപലപനീയം'

കാസർകോട്: (my.kasargodvartha.com 13.11.2021) ആവശ്യത്തിന് ജീവനക്കാരെ നിയമിക്കാത്തതടക്കമുള്ള വീഴ്ചകൾ മറച്ചുവെച്ച് സർകാർ ഓഫീസുകളിൽ മിന്നൽ പരിശോധനകൾ നടത്തി ഉദ്യോഗസ്ഥരുടെ ആത്‌മാഭിമാനത്തെ ചോദ്യം ചെയ്യുന്ന വിധം പരസ്യമായി അധിക്ഷേപിക്കുന്നത് അപലപനീയമാണെന്ന് സ്റ്റേറ്റ് എംപ്ലോയീസ് യൂനിയൻ (എസ് ഇ യു) ജില്ലാ സമ്മേളനം അഭിപ്രായപ്പെട്ടു.
                   

സർകാർ ഓഫീസുകളിൽ ജനങ്ങൾക്കാവശ്യമായ സംവിധാനങ്ങൾ ഒരുക്കേണ്ടത് ഭരണകൂട ഉത്തരവാദിത്തമാണെന്നിരിക്കെ, അത്പാടെ വിസ്മരിച്ച് ക്യാമറയുമായി വന്ന് സർകാർ ഉദ്യോഗസ്ഥരുടെ മേൽ കുതിര കയറുന്നതും നടപടി എടുക്കുന്നതും അധികാരികൾ അവസാനിപ്പിക്കണമെന്നും സമ്മേളനം ആവശ്യപ്പെട്ടു.

ജില്ലാ മുസ്ലിംലീഗ് പ്രസിഡണ്ട് ടി ഇ അബ്ദുല്ല ഉദ്ഘാടനം ചെയ്തു. പ്രസിഡണ്ട് സി എ സലീം അധ്യക്ഷത വഹിച്ചു. എ കെ എം അശ്റഫ്‌ എംഎൽഎ മുഖ്യാതിഥിയായിരുന്നു. എസ് ഇ യു സംസ്ഥാന പ്രസിഡണ്ട് എ എം അബൂബകർ മുഖ്യ പ്രഭാഷണം നടത്തി. മൂസ ബി ചെർക്കള, സഹീർ ആസിഫ്, നൗഫൽ നെക്രാജെ പ്രസംഗിച്ചു. എ അബ്ദുർ റഹ്‌മാൻ സ്വാഗതവും സിയാദ് പി നന്ദിയും പറഞ്ഞു.

'അതിജീവനം തേടുന്ന സിവിൽ സെർവീസ്, അനിവാര്യമാകുന്ന വീണ്ടെടുപ്പ്' എന്ന വിഷയത്തിൽ നടന്ന സെമിനാർ എൻ എ നെല്ലിക്കുന്ന് എംഎൽഎ ഉദ്ഘാടനം ചെയ്തു. നാസർ നങ്ങാരത്ത് വിഷയാവതരണം നടത്തി. ഒ എം ശഫീഖ് അധ്യക്ഷത വഹിച്ചു. കെ എം ബശീർ, സൈനുദ്ദീൻ എൻ പി, ശിഹാബ് ഒ എം, മുസ്ത്വഫ കെ എ, ഹംസത് കെ പി, ഇഖ്ബാൽ ടി കെ, സാദിഖ് എം, ശാകിർ എൻ, അശ്റഫ്‌ അത്തൂട്ടി, സൈഫുദ്ദീൻ എം കെ പ്രസംഗിച്ചു. ആസിയ ഇ എ സ്വാഗതവും അശ്റഫ്‌ കല്ലിങ്കൽ നന്ദിയും പറഞ്ഞു.

Keywords: News, Kerala, Kasaragod, Committee, President, SEU, Conference, SEU district conference held.

< !- START disable copy paste -->