● ഒക്ടോബർ ഒന്നിന് വൈകുന്നേരം നാല് മണിക്ക് വലിയപാറയിലുള്ള സബ് സ്റ്റേഷൻ പരിസരത്ത് ഉദ്ഘാടനം നടക്കും
കുറ്റിക്കോൽ: (MyKasargodVartha) കാസർകോട് ജില്ലയിലെ കുറ്റിക്കോൽ, ബേഡഡുക്ക പഞ്ചായത്തുകളുടെ സമഗ്ര വികസനത്തിന് ഊർജമേകുന്ന കുറ്റിക്കോൽ 110 കെവി സബ് സ്റ്റേഷൻ പ്രവർത്തനസജ്ജമായി. സംസ്ഥാനത്തെ പ്രസരണ ശൃംഖല ശക്തിപ്പെടുത്തുന്നതിനും ഗുണമേന്മയുള്ള വൈദ്യുതി തടസ്സരഹിതമായി ഉപഭോക്താക്കളിലേക്ക് എത്തിക്കുന്നതിനുമായി സംസ്ഥാന സർക്കാരും കെഎസ്ഇബിയും സംയുക്തമായി നടപ്പിലാക്കുന്ന വികസന പദ്ധതികളുടെ ഭാഗമായാണ് പുതിയ സബ് സ്റ്റേഷൻ യാഥാർഥ്യമാക്കിയിട്ടുള്ളത്.
ഉദ്ഘാടനം ഒക്ടോബർ 1-ന്
സബ് സ്റ്റേഷനിൻ്റെ ഉദ്ഘാടനം വ്യാഴാഴ്ച (ഒക്ടോബർ 1) വൈകുന്നേരം നാല് മണിക്ക് വലിയപാറയിലുള്ള സബ് സ്റ്റേഷൻ പരിസരത്ത് വൈദ്യുതി, പരിസ്ഥിതി, പാർലമെൻ്ററികാര്യ വകുപ്പ് മന്ത്രി അഡ്വ. സണ്ണി ജോസഫ് നിർവഹിക്കും. കെ നീലകണ്ഠൻ എംഎൽഎ അധ്യക്ഷത വഹിക്കും.
കാസർകോട് എംപി രാജ്മോഹൻ ഉണ്ണിത്താൻ വിശിഷ്ടാതിഥിയായി പങ്കെടുക്കും. ട്രാൻസ്മിഷൻ ആൻഡ് സിസ്റ്റം ഓപ്പറേഷൻ ഡയറക്ടർ എസ് ശിവദാസ് റിപ്പോർട്ട് അവതരിപ്പിക്കും. കെഎസ്ഇബി ലിമിറ്റഡ് ചെയർമാനും മാനേജിങ് ഡയറക്ടറുമായ ഡോ. എംജി രാജമാണിക്യം സ്വാഗതം പറയും.
ചടങ്ങിൽ പങ്കെടുക്കുന്നവർ
മുൻ എംഎൽഎ സിഎച്ച് കുഞ്ഞമ്പു, കാസർകോട് ജില്ലാ പഞ്ചായത്ത് പ്രസിഡൻ്റ് സാബു എബ്രഹാം, ജില്ലാ കലക്ടർ ശ്രീധന്യ സുരേഷ്, കാറഡുക്ക ബ്ലോക്ക് പഞ്ചായത്ത് പ്രസിഡൻ്റ് സി ബാലൻ, ജില്ലാ പഞ്ചായത്ത് വൈസ് പ്രസിഡൻ്റ് കെ കെ സോയ, ബേഡഡുക്ക ഗ്രാമപഞ്ചായത്ത് പ്രസിഡൻ്റ് ഇ കുഞ്ഞിരാമൻ പായം, കുറ്റിക്കോൽ ഗ്രാമപഞ്ചായത്ത് പ്രസിഡൻ്റ് ശോഭന പ്രശാന്ത്, മറ്റ് ജനപ്രതിനിധികൾ, രാഷ്ട്രീയ - സാമൂഹിക - വ്യാപാര രംഗങ്ങളിലെ പ്രമുഖർ തുടങ്ങിയവർ സംസാരിക്കും. കെഎസ്ഇബി ചീഫ് എൻജിനീയർ (ട്രാൻസ്മിഷൻ - നോർത്ത്) ഷാജി സുധാകരൻ നന്ദി രേഖപ്പെടുത്തും.
ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.
Article Summary: The Kuttikol 110 KV Substation, a joint initiative by the State Government and KSEB to ensure uninterrupted power supply to Kuttikol and Bedadka panchayats, will be inaugurated on October 1, 2026, at 4 PM in Valiyapara by Electricity Minister Adv. Sunny Joseph.
#KasargodVartha #Kuttikol #Bedadka #KSEB #Kasaragod #KeralaPower #SunnyJoseph #Substation #MalayalamNews #AparnaNews