Deaf Day | കേൾവി - സംസാര പരിമിതരായവരെ സമൂഹത്തിൻ്റെ മുഖ്യധാരയിലേക്ക് കൊണ്ടുവരിക എന്ന ലക്ഷ്യത്തോടെ ബധിര ദിനാചരണം

● ചെർക്കള മാർത്തോമാ ബധിര വിദ്യാലയങ്ങളുടെ ആഭിമുഖ്യത്തിൽ കാസർകോട് ജില്ലാതല ബധിര ദിനാചരണം ● നെല്ലിക്കട്ട ടൗണിലൂടെ വർണാഭമായ ഘോഷയാത്രയും കുട്ടികളുടെ കലാപരിപാടികളും നടന്നു ● കാസർകോട് ബ്ലോക്ക് പഞ്ചായത്ത് പ്രസിഡൻ്റ് അബ്ദുല്ലക്കുഞ്ഞി കെ പരിപാടി ഉദ്ഘാടനം ചെയ്തു

ചെർക്കള: (MyKasargodVartha) അന്താരാഷ്ട്ര ബധിര ദിനാചരണത്തിൻ്റെ ഭാഗമായി, ചെർക്കള മാർത്തോമാ ബധിര വിദ്യാലയങ്ങളുടെ ആഭിമുഖ്യത്തിൽ കാസർകോട് ജില്ലാതല ബധിര ദിനാചരണം സംഘടിപ്പിച്ചു. കേൾവി - സംസാര പരിമിതരായവരുടെ അവകാശങ്ങൾ സംരക്ഷിക്കുക, അവരെ സമൂഹത്തിൻ്റെ മുഖ്യധാരയിലേക്ക് ഉയർത്തിക്കൊണ്ടുവരിക എന്നീ ലക്ഷ്യങ്ങൾ മുൻനിർത്തിയാണ് ബധിര ദിനം ആചരിക്കുന്നത്. നെല്ലിക്കട്ട ടൗണിലൂടെ നടത്തിയ വർണാഭമായ ഘോഷയാത്രയോടെയാണ് പരിപാടികൾക്ക് തുടക്കമായത്. കുട്ടികൾ അവതരിപ്പിച്ച വിവിധ കലാപരിപാടികൾ ദിനാചരണത്തെ കൂടുതൽ വർണാഭമാക്കി.

ഉദ്ഘാടനവും സന്ദേശവും

കാസർകോട് ജില്ലാതല ബധിര ദിനാചരണം കാസർകോട് ബ്ലോക്ക് പഞ്ചായത്ത് പ്രസിഡൻ്റ് അബ്ദുല്ലക്കുഞ്ഞി കെ ഉദ്ഘാടനം ചെയ്തു. പാർശ്വവത്കരിക്കപ്പെട്ടവരെ ചേർത്തുനിർത്തുവാൻ ഇപ്പോൾ സമൂഹം കൂടുതൽ താൽപര്യം കാണിക്കുന്നുണ്ടെന്നും, എന്നാൽ വർഷങ്ങൾക്ക് മുമ്പ് വരെ അവരെ സമൂഹത്തിൻ്റെ മുഖ്യധാരയിൽ നിന്നും മാറ്റിനിർത്തിയിരുന്നുവെന്നും അദ്ദേഹം പറഞ്ഞു. 

മാർത്തോമാ പോലുള്ള മഹത്തായ സ്ഥാപനങ്ങളുടെ പ്രവർത്തനം അവരെ മികവുറ്റ വ്യക്തിത്വങ്ങളാക്കി വളർത്തുവാൻ സഹായിച്ചുവെന്നും ഉദ്ഘാടന പ്രസംഗത്തിൽ അദ്ദേഹം കൂട്ടിച്ചേർത്തു. ചടങ്ങിൽ മാർത്തോമാ ബധിര സ്ഥാപനങ്ങളുടെ അഡ്മിനിസ്ട്രേറ്റർ ഫാദർ മാത്യു ബേബി അധ്യക്ഷത വഹിച്ചു. ചെങ്കള ഗ്രാമപഞ്ചായത്ത് പ്രസിഡൻ്റ് വസന്തൻ അജക്കോട് മുഖ്യപ്രഭാഷണം നടത്തി.

ചടങ്ങിൽ പങ്കെടുത്തവർ

മാർത്തോമാ കോളജ് ഫോർ ദി ഹിയറിങ് ഇംപയർമെൻ്റ് വൈസ് പ്രിൻസിപ്പൽ ഫാദർ ജോർജ് വർഗീസ് സ്വാഗതം പറഞ്ഞു. ബദിയടുക്ക മാർത്തോമാ കോളജ് ഓഫ് സ്പെഷ്യൽ എഡ്യൂക്കേഷൻ ഡയറക്ടർ ഫാദർ ബെന്നി മാത്യു, ബ്ലോക്ക് പഞ്ചായത്ത് മെമ്പർ സിവി ജെയിംസ്, ചെങ്കള പഞ്ചായത്ത് വിദ്യാഭ്യാസ - ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ ഇ ശാന്തകുമാരി ടീച്ചർ, പഞ്ചായത്ത് മെമ്പർ റംസീന സി, സ്കൂൾ പ്രധാനാധ്യാപിക ഷീല എസ്, പിടിഎ പ്രസിഡൻ്റ് ഫാത്തിമത്ത് സാജിത എന്നിവർ ആശംസകൾ അർപ്പിച്ച് സംസാരിച്ചു. ഹയർ സെക്കൻഡറി സ്കൂൾ പ്രിൻസിപ്പൽ ഇൻ ചാർജ് കെടി ജോഷിമോൻ നന്ദി രേഖപ്പെടുത്തി.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം 

Article Summary: As part of International Deaf Day, a district-level celebration was organized by the Cherkala Mar Thoma Deaf Institutions, featuring a colorful rally in Nellikatte town and inaugurated by Kasaragod Block Panchayat President Abdullakunhi K.

#KasargodVartha #DeafDay #Cherkala #Kasaragod #MarThomaInstitutions #InclusiveEducation #KeralaNews #AparnaNews