100 വര്‍ഷത്തിന് ശേഷം ആദൂര്‍ ശ്രീ ഭഗവതി ക്ഷേത്രത്തില്‍ പെരുങ്കളിയാട്ടം 2021 ജനുവരിയില്‍, വിപുലമായ ആഘോഷകമ്മിറ്റി രൂപികരിക്കും, യോഗം 22ന്

ആദൂര്‍: (my.kasargodvartha.com 17/09/2019) ആദൂര്‍ ശ്രീ ഭഗവതി ക്ഷേത്രത്തില്‍ 2021 ജനുവരി മാസം നടക്കാന്‍ പോകുന്ന പെരുങ്കളിയാട്ട മഹോത്സവത്തിന്റെ ഭാഗമായുള്ള ആഘോഷകമ്മിറ്റി രൂപീകരണ യോഗം ഈ മാസം 22-ാം തീയ്യതി ഞായറാഴ്ച രാവിലെ 10 മണിക്ക് ക്ഷേത്ര പരിസരത്ത് വെച്ച് നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.

ജമാആത്ത് കമ്മിറ്റി, ക്രിസ്ത്യന്‍ പളളി കമ്മിറ്റി എന്നിവരെ ഉള്‍പ്പെടുത്തി വിപുലമായ ആഘോഷകമ്മിറ്റി രൂപീകരിക്കാനാണ് ആലോചന. നൂറുവര്‍ഷങ്ങള്‍ക്ക് ശേഷം നടക്കാന്‍ പോകുന്ന പെരിങ്കളിയാട്ടം നാടിന്റെ കൂട്ടായ്മയും ഐക്യവും വിളിച്ചോതുന്നതാകും പെരുങ്കളിയാട്ടം. നാടിന്റെ ഉത്സവമായാണ് പരിപാടി നടത്താന്‍ ഉദ്ദേശിക്കുന്നതെന്നും ഭാരവാഹികള്‍ അറിയിച്ചു.