കാസര്‍കോട് നഗരസഭയിലെ വീടുകളില്‍ അജൈവ മാലിന്യ ശേഖരണം തുടങ്ങി

കാസര്‍കോട്: (my.kasargodvartha.com 02.03.2019) കാസര്‍കോട് നഗരസഭയിലെ വീടുകളില്‍ അജൈവ മാലിന്യ ശേഖരണം തുടങ്ങി. മാലിന്യമുക്ത നഗരസഭ ലക്ഷ്യമാക്കിക്കൊണ്ടാണ് അധികൃതര്‍ ഇത്തരമൊരു പദ്ധതിക്ക് രൂപം നല്‍കിയത്. നഗരസഭയിലെ ഹരിതകര്‍മ്മസേന നഗരസഭ പരിധിയിലെ വീടുകളില്‍ ചെന്ന് അജൈവ മാലിന്യങ്ങള്‍ ശേഖരിക്കും.

23-ാം വാര്‍ഡ് പള്ളിക്കാലിലെ അജൈവ മാലിന്യ ശേഖരണം വാര്‍ഡ് കൗണ്‍സിലര്‍ വി എം മുനീര്‍ ഉദ്ഘാടനം ചെയ്തു. വാര്‍ഡില്‍ നേരത്തെ ഈ പ്രവര്‍ത്തനം സൗജന്യമായി വി എം മുനീറിന്റെ നേതൃത്വത്തില്‍ നടത്തിവന്നിരുന്നു. ഇതിനു പിന്നാലെയാണ് നഗരസഭ തന്നെ ഇടപെട്ട് പദ്ധതി നഗരസഭ പരിധിയില്‍ വ്യാപിപ്പിച്ചത്. ഒരു വീട്ടില്‍ നിന്നും 50 രൂപയാണ് മാലിന്യ ശേഖരണത്തിനായി ഈടാക്കുന്നത്.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kerala, News, Waste collection started in houses of Kasaragod Municipality
  < !- START disable copy paste -->