ഗണപതി ഹോമവും മല്ലികാര്‍ജുന ദേവന്റെ പുനപ്രതിഷഠയും നടന്നു

കാസര്‍കോട്: (my.kasargodvartha.com 13.03.2019) മല്ലികാര്‍ജുന ക്ഷേത്രത്തില്‍ മാര്‍ച്ച് എട്ട് മുതല്‍ നടന്നുവരുന്ന പുനപ്രതിഷ്ഠ അഷ്ടബന്ധ ബ്രഹ്മകലശോത്സവത്തിന്റെ ഭാഗമായി ഗണപതി ഹോമവും ശ്രീ മല്ലികാര്‍ജുന ദേവന്റെ പുനപ്രതിഷഠയും നടന്നു. ബുധനാഴ്ച രാവിലെ അഞ്ച് മണിക്ക് ഗണപതിഹോമം, അധിവാസ ഉദ്ഘാടനം നടന്നു.

7.10ന് മീനലഗ്നം നക്ഷത്രത്തില്‍ ശ്രീ മല്ലികാര്‍ജുന ദേവന്റെ പുനപ്രതിഷഠ നടന്നു. തുടര്‍ന്ന് ജീവകലശാഭിഷേകം അഷ്ടബന്ധ ലേപനം, ശ്രീ ഗണപതി, ശ്രീ ശാസ്താവ്, ശ്രീ സുബ്രഹ്മണ്യ ദേവന്മാരുടെ ബിംബ പ്രതിഷ്ഠ, പ്രതിഷ്ഠാ ബലി തുടങ്ങിയവ നടന്നു. ഉച്ചയ്ക്ക് 12 മണിക്ക് ഉച്ചപൂജയുമുണ്ടായിരുന്നു.

വൈകുന്നേരം ഏഴ് മണിക്ക് നിത്യ നൈമിത്തിക കാര്യങ്ങളുടെ പുനര്‍നിണയവും അനുഷ്ഠാന പ്രാര്‍ത്ഥനയും കവാട ബന്ധനവും മണ്ഡല പൂജയും വലിയ ബലിക്കല്ല് അധിവാസവും നടക്കും. മാര്‍ച്ച് 16ന് ഉത്സവം സമാപിക്കും.