Conference | ആത്മീയ ചൂഷണ കേന്ദ്രങ്ങൾക്കെതിരെ നടപടി അനിവാര്യം: വിസ്‌ഡം ജില്ലാ ആദർശ സമ്മേളനം ആവശ്യപ്പെട്ടു

● മൊഗ്രാലിൽ നടന്ന സമ്മേളനം വിസ്‌ഡം ഇസ്‌ലാമിക് ഓർഗനൈസേഷൻ സംസ്ഥാന സെക്രട്ടറി അബ്ദുൽ മാലിക് സലഫി ഉദ്ഘാടനം ചെയ്തു

● അന്ധവിശ്വാസങ്ങൾക്കും തട്ടിപ്പുകൾക്കുമെതിരെ അതത് സമുദായത്തിലെ പണ്ഡിതന്മാരും നാട്ടുകാരും ജാഗ്രത പാലിക്കണമെന്ന് സമ്മേളനം ആഹ്വാനം ചെയ്തു

മൊഗ്രാൽ: (MyKasargodVartha) സമൂഹത്തിൻ്റെ അജ്ഞതയും വിശ്വാസ താത്പര്യങ്ങളും ചൂഷണം ചെയ്ത് ആത്‌മീയതയുടെ മറവിൽ വലിയ തട്ടിപ്പുകളാണ് നാട്ടിൽ നടന്നുകൊണ്ടിരിക്കുന്നതെന്നും ഇത്തരം കേന്ദ്രങ്ങൾക്കെതിരെ നടപടി സ്വീകരിക്കണമെന്നും വിസ്‌ഡം ഇസ്‌ലാമിക് ഓർഗനൈസേഷൻ കാസർകോട് ജില്ലാ കമ്മിറ്റി മൊഗ്രാലിൽ സംഘടിപ്പിച്ച ജില്ലാ ആദർശ സമ്മേളനം ആവശ്യപ്പെട്ടു. 

കേരളത്തിൻ്റെ പലഭാഗങ്ങളിലും ഒളിഞ്ഞും തെളിഞ്ഞും ഇത്തരം കേന്ദ്രങ്ങൾ പ്രവർത്തിക്കുന്നുണ്ട്. ഏതൊരു സാധാരണക്കാരനും സിദ്ധവേഷം കെട്ടി ഒരു സുപ്രഭാതത്തിൽ ചികിത്സ തുടങ്ങാം എന്ന അവസ്ഥയിൽ വരെ കാര്യങ്ങൾ എത്തിനിൽക്കുന്നുവെന്നും സമ്മേളനം കുറ്റപ്പെടുത്തി.

ജാഗ്രത പാലിക്കണം

ആത്മീയ ചൂഷണ കേന്ദ്രങ്ങളെ ഇല്ലാതാക്കാൻ അതത് സമുദായത്തിലെ പണ്ഡിതന്മാരും നാട്ടുകാരും ജാഗ്രതയോടെ രംഗത്ത് വരേണ്ടതുണ്ട്. ഇത്തരം തട്ടിപ്പുകേന്ദ്രങ്ങൾക്കെതിരെ പല സ്ഥലങ്ങളിലും ജനങ്ങൾ രംഗത്തുവന്നുകൊണ്ടിരിക്കുന്നത് അഭിനന്ദനാർഹമാണ്. ഇസ്‌ലാമിൻ്റെ അടിത്തറയായ തൗഹീദ് അഥവാ ഏകദൈവ വിശ്വാസത്തിൽ നിന്ന് വഴിതെറ്റുമ്പോഴാണ് സമുദായം ഇത്തരം ആത്മീയ ചൂഷണങ്ങളിലേക്ക് വഴുതി വീഴുന്നത്. ഇത്തരം തട്ടിപ്പുകളുടെ വേരുകൾ പിഴുതെറിയാൻ പ്രബോധന പ്രവർത്തനങ്ങൾ ശക്തിപ്പെടുത്തി യഥാർഥ മതത്തെക്കുറിച്ച് ജനങ്ങൾക്ക് അറിവ് പകരേണ്ടതുണ്ടെന്നും സമ്മേളനം വിലയിരുത്തി.

ഉദ്ഘാടനവും പ്രഭാഷണങ്ങളും

വിസ്‌ഡം ഇസ്‌‌ലാമിക് ഓർഗനൈസേഷൻ സംസ്ഥാന സെക്രട്ടറി അബ്ദുൽ മാലിക് സലഫി സമ്മേളനം ഉദ്ഘാടനം ചെയ്തു. വിസ്‌ഡം ജില്ലാ പ്രസിഡൻ്റ് അബൂബക്കർ ഉപ്പള അധ്യക്ഷത വഹിച്ചു. മുനവ്വർ സ്വലാഹി, മുജാഹിദ് അൽ ഹികമി, മൂസ സ്വലാഹി കാര എന്നിവർ വിവിധ വിഷയങ്ങളിൽ പ്രഭാഷണം നടത്തി.

ചടങ്ങിൽ പങ്കെടുത്തവർ

വിസ്‌ഡം ജില്ലാ സെക്രട്ടറി ആർകെ അബ്ദുറഹ്‌മാൻ, ശിഹാബ് മൊഗ്രാൽ, അനീസ് മദനി, ജാഫർ മൊഗ്രാൽ, അഷ്കർ ഇബ്‌റാഹിം എന്നിവർ പ്രസംഗിച്ചു.

ഈ പ്രാദേശിക വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പ്രാദേശിക വാർത്തകളും മറ്റ് സംഘടനാ വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. 

Article Summary: The Wisdom Islamic Organization Kasaragod District Committee held an ideological conference in Mogral, demanding strict action against spiritual exploitation centers. State Secretary Abdul Malik Salafi inaugurated the event, presided over by District President Abubakkar Uppala. The conference urged scholars and the public to be vigilant against such frauds.

#KasargodVartha #WisdomIslamicOrganization #SpiritualExploitation #Mogral #KasaragodNews #AbdulMalikSalafi #Islam #AparnaNews