● അന്തർദേശീയ വോളിബോൾ താരം അഞ്ജു ബാലകൃഷ്ണൻ ഉദ്ഘാടനം നിർവഹിച്ചു
● രാജ്യത്തിനും സംസ്ഥാനത്തിനും നേട്ടങ്ങൾ കൈവരിച്ച വിവിധ കായികതാരങ്ങളെ ചടങ്ങിൽ ആദരിച്ചു
ചായ്യോത്ത്: (MyKasargodVartha) ജില്ലാ ഒളിമ്പിക് അസോസിയേഷൻ്റെ ആഭിമുഖ്യത്തിൽ കായികദിനാചരണം ചായ്യോത്ത് ഗവ. ഹയർ സെക്കൻഡറി സ്കൂളിൽ വിപുലമായ പരിപാടികളോടെ നടന്നു. അന്തർദേശീയ വോളിബോൾ താരം അഞ്ജു ബാലകൃഷ്ണൻ പരിപാടി ഉദ്ഘാടനം ചെയ്തു. സ്കൂൾ പി.ടി.എ. പ്രസിഡൻ്റ് പി. മനോഹരൻ അധ്യക്ഷത വഹിച്ചു. ജില്ലാ ഒളിമ്പിക് അസോസിയേഷൻ സെക്രട്ടറി എം. അച്യുത മാസ്റ്റർ സ്വാഗതം പറഞ്ഞു. ജില്ലയുടെ സമഗ്ര കായിക വികസനത്തെക്കുറിച്ച് ജില്ലാ ഒളിമ്പിക് അസോസിയേഷൻ സീനിയർ വൈസ് പ്രസിഡൻ്റ് ഡോ. എം.കെ. രാജശേഖരൻ സംസാരിച്ചു.
ആദരം ഏറ്റുവാങ്ങിയവർ
ചടങ്ങിൽ രാജ്യത്തിനും സംസ്ഥാനത്തിനും നേട്ടങ്ങൾ കൈവരിച്ച കായികതാരങ്ങളെ ആദരിച്ചു. അന്തർദേശീയ ആം റെസ്‌ലിങ് താരം പ്രതീഷ് മീത്തൽ, അന്തർദേശീയ പഞ്ചഗുസ്തി താരം എം. ജോഷ്വ, അന്തർദേശീയ സെപക് താക്രോ താരം കെ. ശ്രേയ, ദേശീയ ഫുട്ബോൾ താരം എസ്. ആര്യശ്രീ, ദേശീയ അത്‌ലറ്റ് ടി.കെ. ജ്യോതിപ്രസാദ് എന്നിവരെയാണ് പൊന്നാടയണിയിച്ച് ആദരിച്ചത്.
ചടങ്ങിൽ സംസാരിച്ചവർ
സ്കൂൾ പ്രിൻസിപ്പൽ കെ.ടി. സീമ, സെപക് താക്രോ സംസ്ഥാന സെക്രട്ടറി കെ.വി. ബാബു, തൈക്കോണ്ടോ അസോസിയേഷൻ സംസ്ഥാന ജോയിൻ്റ് സെക്രട്ടറി എം. കുഞ്ഞബ്ദുല്ല, ഹോക്കി അസോസിയേഷൻ ജില്ലാ പ്രസിഡൻ്റ് എം. രാമകൃഷ്ണൻ മാസ്റ്റർ, വുഷു അസോസിയേഷൻ ജില്ലാ സെക്രട്ടറി പി.വി. അനിൽകുമാർ, ജൂഡോ അസോസിയേഷൻ ജില്ലാ പ്രസിഡൻ്റ് ഷെരീഫ് കാപ്പിൽ, ഫുട്ബോൾ അസോസിയേഷൻ ജില്ലാ വൈസ് പ്രസിഡൻ്റ് ലത്തീഫ് പെരിയ, ഫെൻസിങ് അസോസിയേഷൻ ജില്ലാ വൈസ് പ്രസിഡൻ്റ് ടി. പവിത്രൻ മാസ്റ്റർ, മുൻ ജില്ലാ സ്പോർട്സ് കൗൺസിൽ സെക്രട്ടറി ടി.വി. മദനൻ, കായികാധ്യാപിക പി.പി. തങ്കമണി എന്നിവർ ചടങ്ങിൽ സംസാരിച്ചു.
ജൂഡോ പ്രദർശനം
കായികദിനാചരണത്തിൻ്റെ ഭാഗമായി ജില്ലാ ജൂഡോ അസോസിയേഷൻ്റെ നേതൃത്വത്തിൽ വിദ്യാർഥികൾക്കായി ജൂഡോ പ്രദർശനവും നടന്നു. പരിപാടിയുടെ ഒടുവിൽ സ്കൂൾ ഹെഡ്മാസ്റ്റർ എം. സുനിൽകുമാർ നന്ദി രേഖപ്പെടുത്തി.
ഈ കായിക വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം
Article Summary: The Kasaragod District Olympic Association organized a Sports Day celebration and felicitation ceremony for athletes at Chayyoth Govt Higher Secondary School, which was inaugurated by international volleyball player Anju Balakrishnan and presided over by PTA President P. Manoharan.
#KasargodVartha #SportsDay #KasaragodNews #OlympicAssociation #KeralaSports #ChayyothGovtSchool #AnjuBalakrishnan #MalayalamNews #AparnaNews