● ദേശീയപാത സർവീസ് റോഡിനരികിലെ ഓവുചാലിലെ പിഴവ് കാരണം മീലാദ് നഗറിൽ വെള്ളക്കെട്ട്
● യാത്രക്കാരും വിദ്യാർഥികളും ദുരിതത്തിൽ; അടിയന്തര നടപടി ആവശ്യപ്പെട്ട് നാട്ടുകാർ
മൊഗ്രാൽ: (MyKasargodVartha) ദേശീയപാത സർവീസ് റോഡിനരികിലെ ഓവുചാലിലേക്ക് മൊഗ്രാൽ മീലാദ് നഗറിൽ നിന്ന് ഒഴുകിവരുന്ന വെള്ളം പോകാൻ ഉണ്ടാക്കിയ സംവിധാനത്തിലെ പിഴവ് മൂലം ശക്തമായ മഴയിൽ വെള്ളക്കെട്ട് രൂപപ്പെട്ടു. ഇത് തൊട്ടടുത്ത മൊഗ്രാൽ ടൗണിലെ ഷാഫി മസ്ജിദിലേക്ക് വെള്ളം കയറുന്ന അവസ്ഥയുണ്ടാക്കി.
ദുരിതത്തിലായി യാത്രക്കാർ
ഓവുചാലിലേക്ക് വെള്ളം പോകാൻ ഉണ്ടാക്കിയ ഓട ചെറുതായതാണ് കുത്തിയൊഴുകി വരുന്ന മഴവെള്ളം കെട്ടിനിൽക്കാൻ കാരണമാകുന്നത്. ഇത് തൊട്ടടുത്ത ഷാഫി മസ്ജിദിലേക്ക് കയറുകയും മീലാദ് നഗറിലേക്കുള്ള വാഹനഗതാഗതം തടസപ്പെടുകയും ചെയ്യുന്നു. മദ്രസയിലേക്കും സ്കൂളിലേക്കും പോകുന്ന വിദ്യാർഥികൾ അടക്കമുള്ള കാൽനടയാത്രക്കാർക്കും ഇത് വലിയ ദുരിതമാണ് സൃഷ്ടിക്കുന്നത്.
അടിയന്തര ഇടപെടൽ വേണം
മഴക്കാലത്ത് തന്നെ നിർമാണ കമ്പനി അധികൃതരെ ഈ വിവരം ധരിപ്പിച്ചതാണ്. എന്നാൽ ഇതുവരെ യാതൊരു നടപടിയും ഉണ്ടായിട്ടില്ല. പ്രശ്ന പരിഹാരത്തിന് അധികൃതരുടെ ഭാഗത്ത് നിന്നും അടിയന്തര ഇടപെടൽ വേണമെന്ന് ഷാഫി മസ്ജിദ് കമ്മിറ്റിയും നാട്ടുകാരും ആവശ്യപ്പെട്ടു.
ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം
Article Summary: Due to the unscientific construction of the drainage system near the national highway service road, severe waterlogging has occurred on the Milad Nagar road in Mogral, affecting the nearby Shafi Masjid and disrupting traffic.
#KasargodVartha #Mogral #Kasaragod #Waterlogging #CivicIssue #NationalHighway #KeralaNews #MalayalamNews #AparnaNews