● പെൻഡഗൺ ടെക്നോളജീസും ചിമ്മിനിക്കൂട് കമ്മ്യൂണിറ്റിയും ചേർന്നാണ് സൗജന്യ കോഴ്സ് സംഘടിപ്പിക്കുന്നത് ● പെൺകുട്ടികൾക്കും സംവരണ വിഭാഗങ്ങൾക്കും പ്രത്യേക മുൻഗണന; പത്താം ക്ലാസാണ് അടിസ്ഥാന യോഗ്യത
കാസർകോട്: (MyKasargodVartha) ഡിജിറ്റൽ മാർക്കറ്റിങ് രംഗത്തെ തൊഴിലവസരങ്ങൾ വർധിച്ചുവരുന്ന സാഹചര്യത്തിൽ ഈ മേഖലയിലെ സാധ്യതകളും പ്രായോഗിക നൈപുണ്യങ്ങളും പരിചയപ്പെടുത്തുന്നതിനായി പെൻഡഗൺ ടെക്നോളജീസും ചിമ്മിനിക്കൂട് കമ്മ്യൂണിറ്റിയും ചേർന്ന് സൗജന്യ ഡിജിറ്റൽ മാർക്കറ്റിങ് കോഴ്സ് സംഘടിപ്പിക്കുന്നു.
%20(1).webp "Press conference announcing free AI-based digital marketing course in Kasaragod.")
പെൻഡഗൺ ടെക്നോളജീസിൻ്റെ മൂന്നാം വാർഷികത്തോടനുബന്ധിച്ചാണ് സൗജന്യ പരിശീലനം ഒരുക്കുന്നത്. ഡിജിറ്റൽ മാർക്കറ്റിങ്ങിൻ്റെ അടിസ്ഥാന കാര്യങ്ങൾ മുതൽ പ്രായോഗിക പരിശീലനം വരെ ഉൾപ്പെടുത്തി ഒരു മാസം കൊണ്ട് പൂർത്തിയാക്കുന്ന രീതിയിലാണ് കോഴ്സ് തയാറാക്കിയിരിക്കുന്നത്. ഒക്ടോബർ 15-ന് ക്ലാസ് ആരംഭിക്കും.
പ്രവേശനം 25 പേർക്ക് മാത്രം
ആദ്യഘട്ടത്തിൽ 25 വിദ്യാർഥികൾക്കാണ് പ്രവേശനം. ഇതിൽ 50 ശതമാനം സീറ്റുകൾ പെൺകുട്ടികൾക്കായി സംവരണം ചെയ്തിട്ടുണ്ട്. പട്ടികജാതി, പട്ടികവർഗം, ഒഇസി വിഭാഗങ്ങളിൽപ്പെടുന്നവർക്ക് 20 ശതമാനം സംവരണവും ഏർപ്പെടുത്തിയിട്ടുണ്ട്. പത്താം ക്ലാസാണ് അടിസ്ഥാന യോഗ്യത.
വിദ്യാർഥികൾ, കരിയർ മാറ്റത്തിന് ആഗ്രഹിക്കുന്നവർ, ബിരുദ പഠനത്തോടൊപ്പം ഡിജിറ്റൽ മാർക്കറ്റിങ്ങിൽ പ്രായോഗിക നൈപുണ്യം നേടാൻ ആഗ്രഹിക്കുന്നവർ, സാമ്പത്തിക സാഹചര്യങ്ങൾ മൂലം ഇത്തരം പരിശീലനങ്ങൾ നേടാൻ കഴിയാത്തവർ, തൊഴിൽ നൈപുണ്യം നേടാൻ ആഗ്രഹിക്കുന്ന വീട്ടമ്മമാർ തുടങ്ങി 40 വയസ്സ് വരെയുള്ളവർക്ക് പ്രവേശനം നേടാം.
പ്രായോഗിക പരിശീലനം
യഥാർഥ ഉപഭോക്തൃ പദ്ധതികളിൽ പ്രവർത്തിച്ചുകൊണ്ട് പരിശീലനം നേടാൻ അവസരം ലഭിക്കുന്ന ഏജൻസി അധിഷ്ഠിത പരിശീലനമാണ് ഇൻസ്റ്റിറ്റ്യൂട്ട് നൽകുന്നത്. വിവിധ മേഖലകളിൽ പരിചയസമ്പന്നരായ വിദഗ്ധരുടെ മാർഗനിർദേശവും വിദ്യാർഥികൾക്ക് ലഭിക്കും. പരീക്ഷ, പ്രോജക്ട്, പോർട്ട്ഫോളിയോ ഫീസ് ഇനത്തിൽ 2,500 രൂപ ഈടാക്കും. എന്നാൽ 35,000 രൂപയുടെ കോഴ്സ് ഫീസ് പൂർണമായും ഒഴിവാക്കിയിട്ടുണ്ട്.
ചിമ്മിനിക്കൂട് കമ്മ്യൂണിറ്റിയുടെ നേതൃത്വത്തിൽ 'ഡിജിറ്റൽ കമ്മ്യൂണിക്കേഷൻ ഫോർ സോഷ്യൽ ഇംപാക്ട്' എന്ന പേരിലുള്ള 10 മണിക്കൂർ ദൈർഘ്യമുള്ള പ്രായോഗിക പഠന പരിപാടിയും സിലബസിൽ ഉൾപ്പെടുത്തിയിട്ടുണ്ട്. ഡിജിറ്റൽ മേഖലയിലേക്ക് കൂടുതൽ പേരെ നൈപുണ്യമുള്ളവരാക്കി തൊഴിൽ സാധ്യതകളിലേക്ക് എത്തിക്കുകയാണ് പദ്ധതിയുടെ ലക്ഷ്യമെന്ന് സംഘാടകർ അറിയിച്ചു.
വാർത്താസമ്മേളനത്തിൽ പങ്കെടുത്തവർ
വാർത്താസമ്മേളനത്തിൽ പെൻഡഗൺ ഇൻസ്റ്റിറ്റ്യൂട്ട് ഡയറക്ടർ സാബിത് അബൂബക്കർ, കോഴ്സ് ഹെഡ് മുഹമ്മദ് സുനീർ, ചിമ്മിനിക്കൂട് പ്രതിനിധികളായ മുഹമ്മദ് ആഷിഖ്, യു വി ദീക്ഷിത്, പെൻഡഗൺ എച്ച്ആർ ടി ആരതി, കണ്ടൻ്റ് റൈറ്റർ ഷൈത്ര എന്നിവർ സംബന്ധിച്ചു. പ്രവേശനത്തിനും കൂടുതൽ വിവരങ്ങൾക്കുമായി 7025 623 606, 9037 621 606 എന്നീ നമ്പറുകളിൽ ബന്ധപ്പെടാം. ഇൻസ്റ്റിറ്റ്യൂട്ട് വെബ്സൈറ്റ് വഴിയും അപേക്ഷിക്കാവുന്നതാണ്.
ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.
Article Summary: Pendagon Technologies and Chimminikoodu Community are offering a free AI-based digital marketing course in Kasaragod starting October 15, 2026, for 25 eligible candidates.
#KasargodVartha #DigitalMarketing #FreeCourse #Kasaragod #PendagonTechnologies #Chimminikoodu #MalayalamNews #AparnaNews