● എൻ.എ. നെല്ലിക്കുന്ന് എം.എൽ.എ. ഉദ്ഘാടനം നിർവഹിച്ചു.
● വിദ്യാലയ വാർഷികാഘോഷവും നടന്നു.
● വിവിധ വ്യക്തികൾ ആശംസകൾ അറിയിച്ചു.
● വിദ്യാർത്ഥികളുടെ കലാപരിപാടികൾ അരങ്ങേറി.
കാസർകോട്: (MyKasargodVartha) മുനിസിപ്പൽ ജി.യു.പി. സ്കൂൾ നുള്ളിപ്പാടിയിൽ പൊതുവിദ്യാഭ്യാസ വകുപ്പ് വാർഷിക പദ്ധതിയിലും കാസർകോട് വികസന പാക്കേജിലും നിർമ്മിച്ച കെട്ടിടങ്ങളുടെ ഉദ്ഘാടനവും വിദ്യാലയ വാർഷികാഘോഷവും ഫെബ്രുവരി 18 ചൊവ്വാഴ്ച രാവിലെ 10:30-ന് കാസർകോട് എം.എൽ.എ. എൻ.എ. നെല്ലിക്കുന്ന് നിർവഹിച്ചു.
കാസർകോട് മുനിസിപ്പൽ ചെയർമാൻ അബ്ബാസ് ബീഗം അധ്യക്ഷത വഹിച്ച പരിപാടിയിൽ പ്രധാന അധ്യാപിക ശ്രീലത കെ.എസ്. സ്വാഗതം പറഞ്ഞു. പി.ഡബ്ല്യു.ഡി. എക്സിക്യൂട്ടീവ് എഞ്ചിനീയർ സജിത്ത് എം. റിപ്പോർട്ട് അവതരിപ്പിച്ചു. മുനിസിപ്പാലിറ്റി വികസന കാര്യ സ്റ്റാൻഡിംഗ് കമ്മിറ്റി ചെയർമാൻ സാഹിർ ആസിഫ് എസ്.എ., രജനി, പതിനെട്ടാം വാർഡ് കൗൺസിലർ വിമല ശ്രീധർ, ഖാലിദ് പച്ചക്കാട് എന്നിവർ ചടങ്ങിൽ പങ്കെടുത്തു.
പി.ടി.എ. പ്രസിഡൻ്റ് എ. സോമനാഥൻ, എസ്.എം.സി. ചെയർമാൻ പി. തുളസി, യു.എസ്. ബാലൻ അഡ്വക്കേറ്റ്, യു.എ. ഉമ്മർ, സദാശിവമല്യ തുടങ്ങിയവർ ആശംസകൾ അർപ്പിച്ചു സംസാരിച്ചു. സ്നേഹലത പി. നന്ദി പറഞ്ഞു. വൈകുന്നേരം നാലുമണി മുതൽ വിദ്യാർത്ഥികളുടെ വിവിധ കലാപരിപാടികൾ അരങ്ങേറി.
ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുക
The inauguration of new buildings at Nullipadi GUP School was held on February 18, 2025, with the annual celebrations and student performances following the event.
Kasargod News, School Inauguration News, Education News, Kerala Education News, Annual Celebration News, GUP School News, Kasargod Development News, Public Education News