ദുബൈ: (MyKasargodVartha) യുഎഇയുടെ 53-ാം ദേശീയ ദിനാഘോഷത്തിന്റെ ഭാഗമായി ദുബൈ കെഎംസിസി കാസർകോട് മണ്ഡലം കമ്മിറ്റി സംഘടിപ്പിക്കുന്ന കെ എസ് അബ്ദുല്ല മെമോറിയൽ ട്രോഫി കാസർകോട് ക്രിക്കറ്റ് ചാമ്പ്യൻസ് ലീഗ് വൻ വിജയമാക്കാൻ സംഘാടകർ. നവംബർ 23 ന് അബു ഹൈൽ വെൽഫിറ്റ് ഇന്റർനാഷ്ണൽ സ്പോർട്സ് ബേ ഗ്രൗണ്ടിൽ വെച്ചാണ് ഈ ടൂർണമെന്റ് നടക്കുന്നത്.
ദേശീയ ദിനാഘോഷത്തിന്റെ ഭാഗമായി കൈൻഡ്‌നസ്സ് ബ്ലഡ് ഡൊണേഷൻ ടീമുമായി സഹകരിച്ച് ദുബായ് കെഎംസിസി കാസർകോട് ജില്ലാ കമ്മിറ്റി ഡിസംബർ 2 ന് തിങ്കളാഴ്ച്ച രാവിലെ 8.30 മുതൽ ഉച്ചയ്ക്ക് 2.30 വരെ ദുബൈ ബ്ലഡ് ഡൊണേഷൻ സെന്ററിൽ രക്തദാന ക്യാമ്പ് സംഘടിപ്പിക്കുന്നു. ബദിയടുക്ക പഞ്ചായത്തിൽ നിന്ന് 100 പേരെ ഈ ക്യാമ്പിൽ പങ്കെടുപ്പിക്കാൻ ദുബായ് കെഎംസിസി ബദിയടുക്ക പഞ്ചായത്ത് കമ്മിറ്റി തീരുമാനിച്ചു.
മീകാത് റെസ്റ്റാറന്റിൽ ചേർന്ന യോഗത്തിൽ ദുബായ് കെഎംസിസി ബദിയടുക്ക പഞ്ചായത്ത് പ്രസിഡന്റ് മുഹമ്മദ് പിലാങ്കട്ട അധ്യക്ഷത വഹിച്ചു. ജനറൽ സെക്രട്ടറി എം എസ് ഹമീദ് ഗോളിയടുക്ക സ്വാഗതം പറഞ്ഞു. ദുബായ് കെഎംസിസി കാസർകോട് ജില്ലാ പ്രസിഡന്റ് സലാം കന്യപ്പാടി ഉദ്ഘാടനം ചെയ്തു. മണ്ഡലം വൈസ് പ്രസിഡന്റ് മുനീഫ് ബദിയടുക്ക, സെക്രട്ടറി റസാഖ് ബദിയടുക്ക, മൊയ്‌ദു മലങ്കര, അസീസ് ചിമ്മിനടുക്ക തുടങ്ങിയവർ പ്രസംഗിച്ചു. മുനീഫ് പ്രാർത്ഥനയും ദുബായ് കെഎംസിസി ബദിയടുക്ക പഞ്ചായത്ത് സെക്രട്ടറി സിദ്ദീഖ് പള്ളത്തടുക്ക നന്ദിയും പറഞ്ഞു.
Keywords: KMCC, Dubai, National Day, Cricket, Champions League, Blood Donation, UAE, Dubai Sports, Kasaragod, Community Event
#KMCCDubai, #CricketLeague, #BloodDonation, #NationalDay, #UAE, #CommunityEvent