Aid | വയനാടിന് സഹായം; രാവണേശ്വരം സ്കൂളിലെ 1998-99 എസ് എസ് എൽ സി ബാച്ച് കൂട്ടായ്മ 'തേൻമുട്ടായി' കാൽ ലക്ഷം രൂപ ദുരിതാശ്വാസ നിധിയിലേക്ക് നൽകി

രാവണേശ്വരം: (MyKasargodVartha) ഉരുൾപൊട്ടൽ ദുരന്തത്തിൽ ദുരിതം അനുഭവിക്കുന്ന വയനാടിന്റെ അതിജീവനത്തിനായി നടത്തുന്ന പ്രവർത്തനങ്ങൾക്ക് പിന്തുണയുമായി, രാവണേശ്വരം ഗവ. ഹയർ സെക്കണ്ടറി സ്കൂൾ 1998-99 എസ് എസ് എൽ സി ബാച്ച് കൂട്ടായ്മയായ 'തേൻമുട്ടായി', കാൽ ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവനയായി നൽകി.
  

കാസർകോട് കലക്ടറേറ്റിൽ 'തേൻമുട്ടായി' ഭാരവാഹികളായ മഹേഷ് വാണിയംപാറ (പ്രസിഡന്റ്), രതീഷ് പി (സെക്രട്ടറി), ദീപ ശശി (ട്രഷറർ), സീബ സി വി (വൈസ് പ്രസിഡന്റ്), രഞ്ജിത്ത് (വൈസ് പ്രസിഡന്റ്), രതീഷ് ഒ കെ, ബീന എന്നിവർ ചേർന്ന് കളക്ടർ കെ ഇമ്പശേഖറിന് സഹായധനം കൈമാറി.

Keywords: Kasaragod, Kerala, News, Malayalam-News, Wayanad, Relief, Ravaneswaram School 1998-99 SSLC Batch 'Thenmuttayi' Donates money to Relief Fund.