ഡോക്ടർമാരുടെ ഈ ഒഴിവുകൾ ആശുപത്രികളുടെ പ്രവർത്തനത്തെ സാരമായി ബാധിക്കുന്നുണ്ട്. അതുകൊണ്ട് അടിയന്തരമായി നികത്തേണ്ടിയിരിക്കുന്നു. ജില്ലയിൽ കൂടുതൽ ഡോക്ടർമാരെ ആകർഷിക്കുന്നതിനായി അട്ടപ്പാടി മോഡലിൽ സ്പെഷ്യൽ അലവൻസും ജില്ലയിൽ ജോലി ചെയ്തവർക്ക് പി ജി അഡ്മിഷനിൽ പ്രത്യേക വൈറ്റേജും കൊടുക്കണമെന്നും യോഗം ആവശ്യപ്പെട്ടു.
കാഞ്ഞങ്ങാട് കെ ജി എം ഒ എ ഹൗസിൽ ചേർന്ന വാർഷിക ജനറൽ ബോഡി യോഗം സംസ്ഥാന പ്രസിഡൻ്റ് ഡോ. ടി എൻ സുരേഷ് ഉദ്ഘാടനം ചെയ്തു. പുതിയ ഭാരവാഹികളായി ഡോ. മനോജ് എ ടി (പ്രസിഡൻറ്), ഡോ. ഷിൻസി വി കെ (സെക്രട്ടറി) ഡോ. രാജു മാത്യു സിറിയക് (ട്രഷറർ), ഡോ. ഷക്കീൽ അൻവർ, ഡോ. ജയന്തി (വൈസ് പ്രസിഡൻ്റുമാർ), ഡോ. അശ്വതി കെ ജി (ജോയൻ്റ് സെക്രട്ടറി) എന്നിവർ സ്ഥാനമേറ്റെടുത്തു.
സ്ഥാനമൊഴിഞ്ഞ പ്രസിഡൻ്റ് ഡോ. രമേഷ് ഡി ജി അധ്യക്ഷത വഹിച്ചു. ഡിഎംഒ ഡോ. രാംദാസ് എ വി, സംസ്ഥാന സെക്രട്ടറി ഡോ. സുനിൽ പി കെ, വൈസ് പ്രസിഡൻ്റ് ഡോ. മുരളീധരൻ, മുൻ സംസ്ഥാന ട്രഷറർ ഡോ. ജമാൽ അഹ്മദ് എ, ഐ എം എ കാഞ്ഞങ്ങാട് ബ്രാഞ്ച് പ്രസിഡൻ്റ് ഡോ. സുരേഷൻ വി, ഡോ. കായിഞ്ഞി സി എം, ഡോ. ജീജ, ഡോ. സുകു സി തുടങ്ങിയവർ സംസാരിച്ചു. റിട്ടയർ ചെയ്ത അംഗങ്ങളായ ഡോ. ആമിന ടി പി, ഡോ ദിവകർ റൈ എന്നിവരെ യോഗത്തിൽ ആദരിച്ചു.
Keywords: News, Top-Headlines, Kasargod, Kasaragod-News, Kerala, Kerala-News, KGMOA wants to fill the vacancies of doctors in Kasaragod immediately.