കൈക്കൂലി ആരോപണം നേരിടുന്ന മധൂർ പഞ്ചായത്ത് സ്റ്റാൻഡിങ് കമിറ്റി ചെയർമാൻ രാജിവെക്കണമെന്ന് ആവശ്യപ്പെട്ട് യുഡിഎഫ് പ്രതിഷേധ മാർച് നടത്തി

മധൂർ: (my.kasargodvartha.com 22.10.2021) യുവതിക്ക് ജോലി വാഗ്ദാനം ചെയ്ത് കൈക്കൂലി വാങ്ങിയെന്ന ആരോപണം നേരിടുന്ന മധൂർ പഞ്ചായത്ത് ആരോഗ്യ, വിദ്യാഭ്യാസ സ്റ്റാൻഡിങ് കമിറ്റി ചെയർമാൻ രാജിവെക്കണമെന്ന് ആവശ്യപ്പെട്ട് പഞ്ചായത്തിലേക്ക് യുഡിഎഫ് പ്രതിഷേധ മാർച് നടത്തി.

    

യുഡിഎഫ് മധൂർ പഞ്ചായത്ത് കമിറ്റിയുടെ ആഭിമുഖ്യത്തിൽ നടന്ന മാർച് മുസ്ലിം ലീഗ് കാസർകോട് മണ്ഡലം ജനറൽ സെക്രടറി കെ അബ്ദുല്ലക്കുഞ്ഞി ചെർക്കള ഉദ്‌ഘാടനം ചെയ്‌തു. യു ഡി എഫ് ചെയർമാൻ രാജീവൻ നമ്പ്യാർ അധ്യക്ഷത വഹിച്ചു. ഹാരിസ് ചൂരി സ്വാഗതം പറഞ്ഞു.

അബ്ദുർ റഹ്‌മാൻ ഹാജി പട്ല, മഹ് മൂദ് വട്ടയക്കാട്, യു ബശീർ, എം എ മുഹമ്മദ്, അബ്ദുല്ല കൊല്യ, മുഹമ്മദ് കുഞ്ഞി ഹിദായത്ത് നഗർ, അമ്പിളി, കുസുമം, സ്വാദിഖ്, ഹനീഫ്‌ ചൂരി, എം എ മജീദ്, ഹനീഫ് അറന്തോട്, എം എ മജീദ്, ഹബീബ് ചെട്ടുംകുഴി, യു എ അലി, ശിഹാബ് പാറക്കെട്ട്, ഹാരിസ് എസ് പി നഗർ സംബന്ധിച്ചു.

Keywords: Kasaragod, Kerala, News, UDF staged protest march demanding resignation of standing committee chairman of Madhur panchayath.

< !- START disable copy paste -->