പ്രളയകാലത്ത് കണ്ടതുപോലെയുള്ള ഒരുമ കോവിഡ് കാലത്തും ആവർത്തിക്കുന്നത് നല്ല സൂചനയായി കരുതാമെന്ന് നഗരസഭാ ചെയർമാൻ; ജനറൽ ആശുപത്രിയുടെ നേതൃത്വത്തിൽ ദുരന്തനിവാരണ പരിശീലന പരിപാടി സംഘടിപ്പിച്ചു

കാസർകോട്: (my.kasargodvartha.com 31.10.2021) ജനറൽ ആശുപത്രിയുടെ നേതൃത്വത്തിൽ ജൂനിയർ പബ്ലിക് ഹെൽത് നഴ്സ് ട്രെയിനീസിനായി ദുരന്തനിവാരണ പരിശീലന പരിപാടി സംഘടിപ്പിച്ചു. രണ്ടുദിവസങ്ങളിലായി കാസർകോട് വനിത ഭവൻ ഹാളിൽ വച്ച് നടക്കുന്ന പരിപാടി നഗരസഭാ ചെയർമാൻ അഡ്വ. വി എം മുനീർ ഉദ്ഘാടനം ചെയ്തു. വർഗീയതയും, വർണവിവേചനവും, സാമ്പത്തിക അരാജകത്വവും ഇല്ലാത്ത ഒരുമ പ്രളയകാലത്ത് കണ്ടതുപോലെ കോവിഡ് കാലത്തും ആവർത്തിക്കുന്നത് നല്ല സൂചനയായി കരുതാമെന്ന് അദ്ദേഹം പറഞ്ഞു.

ഹെൽത് സൂപെർവൈസർ എ കെ ഹരിദാസ് അധ്യക്ഷത വഹിച്ചു. നഴ്സിംഗ് സ്കൂൾ പ്രിൻസിപൽ അഞ്ജു സ്വാഗതവും പബ്ലിക് ഹെൽത് നഴ്‌സ് ജലജ പി ടി നന്ദിയും പറഞ്ഞു. ജൂനിയർ ഹെൽത് ഇൻസ്പെക്ടർ ശ്രീജിത് എ വി, ബാബുരാജ്, നഴ്സിങ് സ്‌കൂൾ അധ്യാപിക ഷൽജി നേതൃത്വം നൽകി.

ജനറൽ ആശുപത്രി സൂപ്രണ്ട് ഡോ. രാജാറാം കെ കെ, ജില്ലാ എമർജൻസി ഓപറേഷൻ സെൻററിലെ ഹസാഡ് അനാലിസ്റ്റ് പ്രേം ജി പ്രകാശ്, ജില്ലാ ഡെപ്യൂടി എഡ്യൂകേഷൻ ആൻഡ് മീഡിയ ഓഫീസർ സയന എസ്, ജൂനിയർ ഹെൽത് ഇൻസ്പെക്ടർ മഹേഷ്കുമാർ പി വി, ആനന്ദ് പേക്കടം എന്നിവർ പരിശീലനം നൽകി.

Keywords: Kerala, Kasaragod, News, General Hospital, Training,  General Hospital conducts Disaster Management Training Program for Junior Public Health Nurse Trainees