സി എച് സെൻ്ററിന് വേണ്ടി മുസ്ലിം ലീഗ് പിരിച്ച തുക കൈമാറി

കാസർകോട്: (my.kasargodvartha.com 01.05.2021) സി എച് സെൻ്ററിന് വേണ്ടി ജില്ലയിലെ വിവിധ ഭാഗങ്ങളിൽ മുസ്ലിം ലീഗ് പ്രവർത്തകർ പിരിച്ച തുക കൈമാറി.

കാസർകോട് നിയോജക മണ്ഡലത്തിൽ സ്വരൂപിച്ച 10,14,315 രൂപ കൈമാറി. നിയോജക മണ്ഡലം ഭാരവാഹികൾ മുസ്ലിം ലീഗ് ജില്ലാ പ്രസിഡന്റ് ടി ഇ അബ്ദുല്ലയ്ക്കാണ് പണം കൈമാറിയത്. സംസ്ഥാന ട്രഷറർ സി ടി അഹ് മദലി, ജില്ലാ ജനറൽ സെക്രടറി എ അബ്ദുർ റഹ്‌മാൻ, എൻ എ നെല്ലിക്കുന്ന് എം എൽ എ, മുസ്ലിം ലീഗ് നിയോജക മണ്ഡലം പ്രസിഡന്റ് എ എം കടവത്ത്, അബ്ദുല്ല കുഞ്ഞി ചെർക്കള, മാഹിൻ കേളോട്ട്, ഹാശിം കടവത്ത്, ടി എം ഇഖ്ബാൽ, കെ എം ബശീർ, സി എ അബ്ദുല്ല കുഞ്ഞി, ബദറുദ്ദീൻ തഹ്സിം, അൻവർ ഓസോൺ തുടങ്ങിയവർ ചടങ്ങിൽ സംബന്ധിച്ചു.

ഉദുമ നിയോജക മണ്ഡലത്തിൽ സ്വരൂപിച്ച 3,36,975 രൂപ ജനറൽ സെക്രടറി എ ബി ശാഫി ടി ഇ അബ്ദുല്ലയ്ക്ക് കൈമാറി.

അബ്ദുൽ കരീം സിറ്റിഗോൾഡ്, എൻ എ അബൂബകർ, അബ്ബാസ് ബീഗം, ഹാരിസ് ചൂരി, കെ എം അബ്ദുർ റഹ്‌മാൻ, മുജീബ് കമ്പാർ തുടങ്ങിയവർ പങ്കെടുത്തു.

Keywords: Kerala, News, Kasaragod, Uduma, Muslim League, C H Center, Money, Fund, T E Abdulla, C T Ahmedali, The Muslim League handed over the collected amount on behalf of the CH Center.