പബ്ലിക് സര്‍വ്വന്റ്‌സ് സാഹിത്യ അവാര്‍ഡ് ഡോ. വി പി പി മുസ്തഫയ്ക്ക്

കാസര്‍കോട്: (my.kasargodvartha.com 23.10.2019) പബ്ലിക് സര്‍വ്വന്റ്‌സ് സഹകരണസംഘം ഏര്‍പ്പെടുത്തിയ പബ്ലിക് സര്‍വ്വന്റ്‌സ് സാഹിത്യ അവാര്‍ഡിന് ഡോ വി പി പി മുസ്തഫ അര്‍ഹനായതായി ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. 'കലയും പ്രത്യയശാസ്ത്രവും ഇ എം എസിന്റെ വിചാരലോകം' എന്ന കൃതിയാണ് വി പി പി മുസ്തഫയെ അവാര്‍ഡിന് അര്‍ഹനാക്കിയത്.

10,010 രൂപയും പ്രശസ്തിപത്രവും അടങ്ങുന്ന അവാര്‍ഡ് നവംബര്‍ അവസാനവാരം സംഘടിപ്പിക്കുന്ന ചടങ്ങില്‍ വെച്ച് കൈമാറും. കെ വി പി അബ്ദുല്‍ ഖാദര്‍- വി പി പി ബീഫാത്വിമ ദമ്പതികളുടെ മകനാണ് മുസ്തഫ. തൃക്കരിപ്പൂര്‍ സ്വദേശിയായ അദ്ദേഹം ഇടതുപക്ഷ രാഷ്രീയപ്രവര്‍ത്തകനും എഴുത്തുകാരനും പ്രഭാഷകനുമാണ്.

ഭാര്യ: സീനിയ മാഹിന്‍. ഏക മകന്‍ അലന്‍. മഹാകവി പി സ്മാരകസമിതിയുടെ ഉപന്യാസപുരസ്‌കാരം, കായിക്കര ആശാന്‍ മെമ്മോറിയല്‍ അസോസിയേഷന്‍ ആശാന്‍ പ്രൈസ് ദുബൈ ദലയുടെ ദല-കൊച്ചുബാവ സാഹിത്യപുരസ്‌കാരം, കോഴിക്കോട് ഖുര്‍ആന്‍ റിസര്‍ച്ച് സെന്റര്‍ ട്രസ്റ്റിന്റെ മൗലവി ചേകന്നൂര്‍ മെമ്മോറിയല്‍ എന്‍ഡോവ്‌മെന്റ് അവാര്‍ഡ് എന്നിവ ലഭിച്ചിട്ടുണ്ട്.

വാര്‍ത്താ സമ്മേളനത്തില്‍ കെ രാഘവന്‍, രാഘവന്‍ ബെള്ളിപ്പാടി, കെ സതീഷന്‍, കെ വി രമേശന്‍ എന്നിവര്‍ സംബന്ധിച്ചു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Keywords: Kerala, News, Public servants award for VPP Musthafa
  < !- START disable copy paste -->