● പ്രമുഖ വ്യവസായിയും സാമൂഹിക പ്രവർത്തകനുമായ ഹംസ മധൂർ രജിസ്ട്രേഷൻ ഉദ്ഘാടനം നിർവഹിച്ചു
● പുതിയ കാലത്തിന്റെ സാധ്യതകൾ തിരിച്ചറിഞ്ഞ് ഉത്തരവാദിത്വമുള്ള നേതൃത്വത്തെ വാർത്തെടുക്കുകയാണ് ലക്ഷ്യമെന്ന് സലാം കന്യപ്പാടി
ദുബൈ: (MyKasargodVartha) പുതിയ കാലത്തിൻ്റെ സാധ്യതകൾ തിരിച്ചറിഞ്ഞ് ഉത്തരവാദിത്വമുള്ള നേതൃത്വത്തെ വാർത്തെടുക്കുന്നതിനുള്ള സുപ്രധാന ചുവടുവെപ്പാണ് ലീഡെക്സ് ഹൊറൈസൺ 2026 എന്ന് ദുബൈ കെ.എം.സി.സി. കാസർകോട് ജില്ലാ പ്രസിഡൻ്റ് സലാം കന്യപ്പാടി പ്രസ്താവിച്ചു.
.webp "Dubai KMCC Kasaragod Constituency-level delegate registration for Leadex Horizon 2026 inaugurated.")
കേവലം ഒരു സമ്മേളനം എന്നതിലുപരി സംഘടനയുടെ ഭാവി പ്രവർത്തനങ്ങൾക്ക് പുതിയ ദിശാബോധം നൽകുകയും, പ്രവർത്തകരെ ഭാവിയിലെ വെല്ലുവിളികൾ ഏറ്റെടുക്കാൻ പ്രാപ്തരാക്കുകയും ചെയ്യുന്ന വേദിയാണിതെന്നും അദ്ദേഹം പറഞ്ഞു. വരുന്ന നവംബർ ഒന്നിന് ദുബൈയിൽ നടക്കുന്ന ഈ സമ്മേളനത്തിൽ കാസർകോട് മണ്ഡലത്തിൽനിന്ന് പരമാവധി പ്രതിനിധികളുടെ പങ്കാളിത്തം ഉറപ്പാക്കണമെന്നും അദ്ദേഹം ആവശ്യപ്പെട്ടു.
മണ്ഡലം കമ്മിറ്റി യോഗം
കെ.പി. ടവറിലെ ലീഡെക്സ് സ്വാഗതസംഘം ഓഫീസിൽ ചേർന്ന ദുബൈ കെ.എം.സി.സി. കാസർകോട് മണ്ഡലം കമ്മിറ്റി യോഗം സലാം കന്യപ്പാടി ഉദ്ഘാടനം ചെയ്തു. മണ്ഡലം പ്രസിഡൻ്റ് ഫൈസൽ പട്ടേൽ അധ്യക്ഷത വഹിച്ചു. ജനറൽ സെക്രട്ടറി ഹസ്കർ ചൂരി സ്വാഗതം പറഞ്ഞു. യോഗത്തിൽ പ്രമുഖ വ്യവസായിയും സാമൂഹിക പ്രവർത്തകനുമായ ഹംസ മധൂർ ലീഡെക്സ് ഹൊറൈസൺ 2026-ൻ്റെ കാസർകോട് മണ്ഡലതല പ്രതിനിധി രജിസ്ട്രേഷൻ ഉദ്ഘാടനം ചെയ്തു.
ദുബൈ കെ.എം.സി.സി. കാസർകോട് ജില്ലാ കമ്മിറ്റി നവംബർ ഒന്നിന് പി.എ. ഇബ്രാഹിം ഹാജി സ്ക്വയറിലെ വിമൻസ് അസോസിയേഷൻ ഹാളിൽ സംഘടിപ്പിക്കുന്ന ലീഡെക്സ് ഹൊറൈസൺ 2026 പ്രതിനിധി സമ്മേളനവും ദേശീയ സമ്മേളനവും വൻ വിജയമാക്കുന്നതിനായി മണ്ഡലതല പ്രവർത്തനങ്ങൾ ഊർജിതമാക്കാൻ യോഗം തീരുമാനിച്ചു.
ചടങ്ങിൽ പങ്കെടുത്തവർ
യോഗത്തിൽ ദുബൈ കെ.എം.സി.സി. കാസർകോട് ജില്ലാ വൈസ് പ്രസിഡൻ്റ് ഹസൈനാർ ബീജന്തടുക്ക, സെക്രട്ടറി ഫൈസൽ ദീനാർ, മണ്ഡലം സെക്രട്ടറി സിനാൻ തൊട്ടാൻ, മുൻസിപ്പൽ പ്രസിഡൻ്റ് അൻവർ സാജിദ്, സെക്രട്ടറി ജാഫർ കുന്നിൽ, ചെങ്കള പഞ്ചായത്ത് സെക്രട്ടറി ഹബീബ് മൂല, മൊഗ്രാൽ പഞ്ചായത്ത് ലീഡെക്സ് കോർഡിനേറ്റർ അബ്ദുൽ ഖാദർ, സാബിത് പി.സി., സമീർ ബേവിഞ്ചെ, അജ്മൽ മിർഷാൻ നെല്ലിക്കട്ടെ, ആൻചു നെല്ലിക്കട്ടെ, സർഫ്രാസ് ചൂരി എന്നിവർ സംസാരിച്ചു. ദുബൈ കെ.എം.സി.സി. കാസർകോട് മണ്ഡലം സെക്രട്ടറി തൽഹത്ത് തളങ്കര നന്ദി രേഖപ്പെടുത്തി.
ഈ പ്രവാസി വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം
Article Summary: The Dubai KMCC Kasaragod Constituency-level delegate registration for "Leadex Horizon 2026" was inaugurated by prominent businessman and social worker Hamsa Madhur. The meeting, held at the Leadex reception committee office in K.P. Tower, was inaugurated by Dubai KMCC Kasaragod District President Salam Kanyappady, who stated that the event would provide direction for new leadership.
#KasargodVartha #DubaiKMCC #LeadexHorizon2026 #KasaragodNews #SalamKanyappady #HamsaMadhur #KeralaDiaspora #KMCC #AparnaNews