● ചീമേനിയിൽ നടന്ന ബിജെപി ജില്ലാ പഠന ശിബിരത്തിൻ്റെ സമാപന സമ്മേളനത്തിൽ സംസാരിക്കുകയായിരുന്നു അദ്ദേഹം
ചീമേനി: (MyKasargodVartha) കമ്മ്യൂണിസ്റ്റ് പാർട്ടിയുടെ വിശാല സംസ്ഥാന സമിതി യോഗവും തിരഞ്ഞെടുപ്പ് ഫലത്തിൻ്റെ വിലയിരുത്തലും സ്വന്തം അണികളെ കബളിപ്പിക്കാനുള്ള നീക്കം മാത്രമാണെന്ന് ബിജെപി മുൻ ദേശീയ വൈസ് പ്രസിഡൻ്റ് എപി അബ്ദുല്ലക്കുട്ടി പറഞ്ഞു. ചീമേനി ട്രീ വുഡ് കൺവൻഷൻ സെൻ്ററിൽ നടന്ന പണ്ഡിറ്റ് ദീൻദയാൽ ഉപാധ്യായ പ്രശിക്ഷണ മഹാ അഭിയാൻ – ബിജെപി ജില്ലാ പഠന ശിബിരത്തിൻ്റെ സമാപന സമ്മേളനത്തിൽ സംസാരിക്കുകയായിരുന്നു അദ്ദേഹം.
തെറ്റ് തിരുത്താൻ തയാറല്ല
പ്രതിപക്ഷ നേതൃസ്ഥാനത്തുനിന്ന് പിണറായി വിജയനെയും സംസ്ഥാന സെക്രട്ടറി സ്ഥാനത്തുനിന്ന് എംവി ഗോവിന്ദനെയും മാറ്റാൻ സിപിഎം തയാറാകാത്തത് തെറ്റ് തിരുത്താൻ പാർട്ടി സന്നദ്ധമല്ലെന്നതിൻ്റെ തെളിവാണെന്ന് അദ്ദേഹം പറഞ്ഞു. മൂന്ന് മാസത്തിനുള്ളിൽ തന്നെ വിഡി സതീശൻ സർക്കാരിൻ്റെ പരാജയം വ്യക്തമായതായും, സംസ്ഥാനത്ത് പ്രതിപക്ഷത്തിൻ്റെ യഥാർഥ റോളിൽ ബിജെപിയാണ് പ്രവർത്തിക്കുന്നതെന്നും എപി അബ്ദുല്ലക്കുട്ടി കൂട്ടിച്ചേർത്തു.
ഇൻഡി മുന്നണിക്ക് നിരാശ
നരേന്ദ്ര മോദി സർക്കാരിന് ലോകനേതാക്കൾക്കിടയിൽ ലഭിക്കുന്ന സ്വീകാര്യതയും കേന്ദ്ര സർക്കാരിൻ്റെ നേതൃത്വത്തിൽ ഭാരതം കൈവരിക്കുന്ന വളർച്ചയും കോൺഗ്രസ് നേതൃത്വത്തിലുള്ള ഇൻഡി മുന്നണിക്ക് സഹിക്കാവുന്നതിലും അപ്പുറമാണ്. തിരഞ്ഞെടുപ്പ് കമ്മീഷണർക്കെതിരെ വിവിധ പാർട്ടികളുടെ നേതൃത്വത്തിൽ ഇപ്പോൾ നടക്കുന്ന പ്രതിഷേധങ്ങൾ ഇതിൻ്റെ സൂചനയാണെന്നും അദ്ദേഹം ചൂണ്ടിക്കാട്ടി.
നേതൃനിരയും ആദരിക്കലും
സമാപന ചടങ്ങിൽ ശിബിരത്തിൽ പങ്കെടുത്ത മുതിർന്ന നേതാക്കളെ എപി അബ്ദുല്ലക്കുട്ടി ഷാൾ അണിയിച്ച് ആദരിച്ചു. യോഗത്തിൽ ബിജെപി ജില്ലാ പ്രസിഡൻ്റ് എംഎൽ അശ്വിനി അധ്യക്ഷത വഹിച്ചു. ബിജെപി ദേശീയ കൗൺസിൽ അംഗം പി കെ വേലായുധൻ, കണ്ണൂർ മേഖലാ പ്രസിഡൻ്റ് അഡ്വ. കെ ശ്രീകാന്ത്, ബിജെപി സംസ്ഥാന കമ്മിറ്റി അംഗങ്ങളായ വി രവീന്ദ്രൻ, സതീഷ് ചന്ദ്ര ഭണ്ഡാരി, രവീശ തന്ത്രി കുണ്ടാർ, പ്രമീള സി നായിക്, എ വേലായുധൻ, കണ്ണൂർ മേഖലാ സംഘടനാ ചുമതലയുള്ള ജനറൽ സെക്രട്ടറി എവി ഷിജു, ജനറൽ സെക്രട്ടറി സുധാമ ഗോസാഡ, ജില്ലാ ജനറൽ സെക്രട്ടറിമാരായ പിആർ സുനിൽ, എൻ ബാബുരാജ്, മനുലാൽ മേലത്ത്, മേഖലാ വൈസ് പ്രസിഡൻ്റ് വിജയ് കുമാർ റൈ, സംസ്ഥാന കൗൺസിൽ അംഗങ്ങളായ അഡ്വ. ബി രവീന്ദ്രൻ, രൂപവാണി ഭട്ട്, ഹരീഷ് നാരമ്പാടി എന്നിവർ സംസാരിച്ചു.
ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം
Article Summary: Former BJP National Vice President AP Abdullakutty criticized the CPM at the BJP District Study Camp in Cheemeni, claiming their state committee meeting aims to deceive cadres and that the party is unwilling to correct its mistakes, while also alleging that the current state government's failure became apparent within three months.
#KasargodVartha #BJP #Kasaragod #Cheemeni #APAbdullakutty #KeralaPolitics #CPIM #Congress #MalayalamNews #AparnaNews