മുഹമ്മദ് റഫി ആര്ട്സ് & കള്ചറല് സെന്റര് ഒരുക്കിയ ചടങ്ങില് പ്രസിഡന്റ് പി എസ് ഹമീദ് അധ്യക്ഷത വഹിച്ചു. എ എസ് മുഹമ്മദ്കുഞ്ഞി അനുസ്മരണ ഭാഷണം നടത്തി. ഹിന്ദുസ്ഥാനി, കര്ണാടിക് സംഗീതത്തില് ഏറെ അവഗാഹമുണ്ടായിരുന്ന മാസ്റ്റര്ക്ക് തന്റെ രചനകളെ വൈവിധ്യമാര്ന്ന രാഗങ്ങളില് ചിട്ടപ്പെടുത്താന് ഒട്ടും പ്രയാസം ഉണ്ടായിരുന്നില്ലെന്നും, ബിംപിലാസും ഭൈരവിയും രാഗങ്ങള് പ്രയോഗിച്ച മാപ്പിളപ്പാട്ടെഴുത്തുകാരന് നമ്മുടെ പരിസരത്തെങ്ങും വേറെ ഉണ്ടായിട്ടില്ലെന്നും എ എസ് പറഞ്ഞു. സീതിക്കുഞ്ഞി മാസ്റ്ററുടെ പല രചനകളും പഠന വിധേയമാക്കേണ്ടതാണെന്ന് തുടര്ന്ന് പ്രസംഗിച്ചവര് അഭിപ്രായപ്പെട്ടു. പി കെ സത്താര് സ്വാഗതം പറഞ്ഞു.
മുഹമ്മദ് ബശീര് കെ എ, ബി എസ് മഹമൂദ്, ടി എസ് എ ഗഫൂര്, എന് എം അബ്ദുല്ല, ടി എസ് ബശീര്, ഉസ്മാന് കടവത്ത്, ഏരിയാല് ശരീഫ്, എന് എ അശ്റഫ്, അബ്ദുല്ല ബി യു, മാഹിന് ലോഫ്, ഹമീദ് തെരുവത്ത്, ശരീഫ് സാഹെബ്, എന് എ അബ്ദുല്ലക്കുഞ്ഞി, ടി എം എ റഹ്മാന്, റഹീം തെരുവത്ത്, കുഞ്ഞാമു, തുടങ്ങിയവര് സംസാരിച്ചു.
യോഗം ലോകപ്രശസ്ത മുസ്ലിം മത പണ്ഡിതന് യുസഫുല് ഖറദാവിയുടെ നിര്യാണത്തില് ദുഃഖം രേഖപ്പെടുത്തി. ഈയടുത്തായി നമ്മുടെ പരിസരത്ത് നിന്നും വിട പറഞ്ഞു പോയ, ശാസ്ത്രജ്ഞന് ഡോ. എ എ മുഹമ്മദ്കുഞ്ഞി, ഉത്തരദേശം പത്രാധിപര് ഉണ്ണികൃഷ്ണന് പുഷ്പഗിരി, ജീവകാരുണ്യ പ്രവര്ത്തകന് സാബിര് പള്ളം, എഴുത്തുകാരന് ത്യാഗരാജന് ചാളക്കടവ്, മാലിക് തളങ്കര, പൗര പ്രമുഖന് നെല്ലിക്കുന്ന് തൈവളപ്പ് കുഞ്ഞാമു ഹാജി, ചെമനാട് പട്ടാളം അബ്ദുല്ല എന്നിവരുടെ വിയോഗത്തില് യോഗം അനുശോചിച്ചു.
Keywords: Kasaragod, Kerala, News, Rafi Mahal observed 46th death anniversary of poet P Seethikunji.