മുസ്ലിം ലീഗ്, എസ്.ടി.യു സംസ്ഥാന ജില്ലാ നേതാക്കൾ പ്രസംഗിക്കും. സ്വകാര്യ കുടിവെള്ള വിതരണ മാഫിയക്ക് വേണ്ടി കാസർകോട് നഗരസഭയുടെ കുടുംബശ്രീ സ്ഥാപനത്തിന് ലൈസൻസ് നിഷേധിച്ച് അടച്ച് പൂട്ടിക്കാനുള്ള അധികൃത നീക്കത്തെ ശക്തമായി ചെറുത്ത് തോൽപ്പിക്കാനുള്ള എസ്.ടി.യു കാസർകോട് മേഖലാ കമ്മിറ്റിയുടെ സമരത്തിൽ എല്ലാ അയൽക്കൂട്ടങ്ങളിലെയും അംഗങ്ങൾ അണിനിരക്കണമെന്ന് കാസർകോട് മേഖലാ കമ്മിറ്റി അഭ്യർത്ഥിച്ചു.
നഗരസഭാ കൗൺസിലർമാരും, ഗ്രാമ പഞ്ചായത്ത് അംഗങ്ങളും ജില്ലാ - ബ്ലോക്ക് പഞ്ചായത്ത് അംഗങ്ങളും വനിതാ ലീഗ് നേതാക്കളും പ്രവർത്തകരും, കുടുംബശ്രീ പ്രവർത്തകരും സമരത്തിന് നേതൃത്വം നൽകും.
എസ് ടി യു വിൻ്റെ വിവിധ കാറ്റഗറി ഫെഡറേഷനുകളുടെ നേതാക്കളും പ്രവർത്തകരും സമരത്തിന് അഭിവാദ്യമർപ്പിക്കും. വ്യാഴാഴ്ച രാവിലെ 10 മണിക്ക് വിദ്യാനഗർ ചിന്മയ സ്കൂൾ പരിസരത്ത് നിന്നും ആരംഭിക്കുന്ന മാർച്ച് വിജയിപ്പിക്കണമെന്ന് ഭാരവാഹികളായ എ അഹമ്മദ് ഹാജിയും മുത്തലിബ് പാറക്കെട്ടും അഭ്യർത്ഥിച്ചു.
Keywords: News, Kasargod, Kasaragod-News, Kerala, STU, Kudumbashree, STU will held march against move to close the Kudumbashree drinking water unit.