● ഫുട്ബോൾ ടൂർണമെന്റിൽ ടീം സിറ്റിസൺ ദുബൈ ചാമ്പ്യന്മാരായി
ദുബൈ: (MyKasargodVartha) ദുബൈ കെ.എം.സി.സി. മംഗൽപ്പാടി പഞ്ചായത്ത് കമ്മിറ്റി സംഘടിപ്പിച്ച എട്ടാമത് മംഗൽപ്പാടി പ്രീമിയർ ലീഗിൻ്റെ സമാപനവും മഹാപ്രവാസി സംഗമവും നടന്നു. ദുബൈ അബു ഹൈൽ സ്പോർട്സ് ബേയിലെ എം.ബി. യൂസുഫ് ഹാജി നഗറിൽ നടന്ന സമാപന പരിപാടിയിൽ പ്രവാസികളായ നിരവധിയാളുകൾ പങ്കെടുത്തു.
പ്രവാസി മംഗൽപ്പാടിയുടെ ഐക്യവും സൗഹൃദവും ഊട്ടിയുറപ്പിക്കുന്നതിനായി മംഗൽപ്പാടി പഞ്ചായത്ത് കെ.എം.സി.സി സംഘടിപ്പിച്ചുവരുന്ന പ്രധാന പരിപാടിയാണ് എം.പി.എൽ. ക്രിക്കറ്റ്, ഫുട്ബോൾ തുടങ്ങി വിവിധ കായിക മത്സരങ്ങളും ഫാമിലി മീറ്റും പൊതുസമ്മേളനവുമായാണ് പരിപാടി സമാപിച്ചത്. സമാപന സമ്മേളനം ദുബൈ കെ.എം.സി.സി. സംസ്ഥാന ജനറൽ സെക്രട്ടറിയും വെൽഫിറ്റ് ഗ്രൂപ്പ് ചെയർമാനുമായ യഹ്‌യ തളങ്കര ഉദ്ഘാടനം ചെയ്തു. സിദ്ദീഖ് ബാപ്പയ്ത്തൊട്ടി അധ്യക്ഷത വഹിച്ചു.
ഗോൾഡൻ അബ്ദുൽ ഖാദർ ഹാജി മെമ്മോറിയൽ അവാർഡ്
മംഗൽപ്പാടിയുടെ സാമൂഹിക രംഗത്തെ പ്രമുഖനായിരുന്ന മർഹൂം ഗോൾഡൻ അബ്ദുൽ ഖാദർ ഹാജിയുടെ സ്മരണാർഥം ഏർപ്പെടുത്തിയ രണ്ടാമത് ഗോൾഡൻ അബ്ദുൽ ഖാദർ ഹാജി മെമ്മോറിയൽ അവാർഡ് ദുബൈ കെ.എം.സി.സി. കാസർകോട് ജില്ലാ പ്രസിഡന്റ് സലാം കന്യപ്പാടിക്ക് സമ്മാനിച്ചു. യഹ്‌യ തളങ്കരയാണ് അദ്ദേഹത്തിന് പുരസ്കാരം കൈമാറിയത്.
സാമൂഹിക, സാംസ്കാരിക, ജീവകാരുണ്യ മേഖലകളിൽ സലാം കന്യപ്പാടി നടത്തിവരുന്ന പ്രവർത്തനങ്ങൾ പരിഗണിച്ചാണ് അദ്ദേഹത്തെ അവാർഡിനായി തിരഞ്ഞെടുത്തത്. ഇതിനുപുറമെ, സംഭാവനകൾ മുൻനിർത്തി അഡ്വ. ഇബ്രാഹിം ഖലീൽ, ഹനീഫ് ടി.ആർ., ഡോ. ഇസ്മാഈൽ, അസീസ് അയ്യൂർ എന്നിവരെയും ചടങ്ങിൽ ആദരിച്ചു.
.webp "Mega NRI meet and MPL Season 8 finale in Dubai.")
കായിക മത്സരങ്ങളും സാംസ്കാരിക പരിപാടികളും
എം.പി.എല്ലിന്റെ ഭാഗമായി സംഘടിപ്പിച്ച ഫാമിലി മീറ്റിൽ കുടുംബിനികളും കുട്ടികളും പങ്കെടുത്തു. ടീം മട്ടന്നൂർ അവതരിപ്പിച്ച കൈമുട്ടിപ്പാട്ട് പരിപാടിയുടെ ആകർഷണമായി മാറി. സോക്കർ ലീഗ് ഫൈനലിൽ ഫ്രണ്ട്സ് പച്ചമ്പളയെ പരാജയപ്പെടുത്തി ടീം സിറ്റിസൺ ദുബൈ ചാമ്പ്യന്മാരായി. വിജയികൾക്കുള്ള ട്രോഫികളും സമ്മാനങ്ങളും വിതരണം ചെയ്തു.
അബ്ദുല്ല ആറങ്ങാടി, മുനീർ ബേരികെ, സുബൈർ കുബണൂർ, ഇബ്രാഹിം ബേരികെ, സൈഫുദ്ദീൻ മൊഗ്രാൽ, മൻസൂർ മർത്യ, ജബ്ബാർ ബൈദല, മുഹമ്മദ് കളായി, ഖാലിദ് കാന്തൽ, ഫാറൂഖ് അമാനത്, ജംഷീദ് അട്ക്ക തുടങ്ങിയവർ സംബന്ധിച്ചു. അൻവർ മുട്ടം സ്വാഗതവും ഹാഷിം ബണ്ടസാല നന്ദിയും പറഞ്ഞു.
ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും പങ്കുവെക്കുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം
Article Summary: The 8th Mangalpadi Premier League and mega NRI meet concluded in Dubai, with Salam Kanyappadi receiving the Golden Abdul Khader Haji Memorial Award.
#KasargodVartha #DubaiKMCC #MangalpadiPremierLeague #MPLSeason8 #DubaiEvents #NRICommunity #MalayalamNews #KasargodNews #AparnaNews