എരിയപ്പാടിയിലെ മലഞ്ചരക്ക് വ്യാപാരി എസ് അബ്ദുല്‍ ഖാദര്‍ ഹാജി നിര്യാതനായി

എരിയപ്പാടി: (my.kasargodvartha.com 12.03.2018) എരിയപ്പാടിയിലെ മലഞ്ചരക്ക് വ്യാപാരിയും കര്‍ഷകനുമായ എസ് അബ്ദുല്‍ ഖാദര്‍ ഹാജി (76) നിര്യാതനായി. ഞായറാഴ്ച രാത്രി 8.30 മണിയോടെ വീട്ടില്‍വെച്ചായിരുന്നു അന്ത്യം. കുറച്ചു ദിവസങ്ങളായി കാസര്‍കോട്ടെയും മംഗളൂരുവിലെയും ആശുപത്രികളിലായി ചികിത്സയിലായിരുന്നു.

ദീര്‍ഘകാലമായി ഐഎന്‍എല്ലിന്റെ സജീവ സാന്നിധ്യമായിരുന്നു. ഐ എന്‍ എല്‍ ആലംപാടി വാര്‍ഡ് വൈസ് പ്രസിഡണ്ട്, ഐഎന്‍എല്‍ ചെങ്കള പഞ്ചായത്ത് കമ്മിറ്റി കൗണ്‍സിലര്‍ എന്നീ നിലയിലും പ്രവര്‍ത്തിച്ചിട്ടുണ്ട്. മക്കള്‍: മൊയ്തീന്‍ എസ് എ, ഹാരിസ് എസ് എ, അബ്ദുര്‍ റഹ് മാന്‍ എസ് എ, സിദ്ദീഖ് എസ് എ, കബീര്‍ എസ് എ, അസ്‌കര്‍ എസ് എ, മറിയം, ഖദീജ.

മരുമക്കള്‍: ഫരീദ, ആസിറ, മുംതാസ്, റമീസ, അബ്ദുര്‍ റഹ് മാന്‍ സി എച്ച് (ബേവിഞ്ച), ഹമീദ് (ഉളിയത്തടുക്ക). സഹോദരങ്ങള്‍: എസ് മുഹമ്മദ്, പരേതരായ എസ് അബ്ദുല്ല, എസ് അബൂബക്കര്‍. മൃതദേഹം തിങ്കളാഴ്ച രാവിലെ പത്ത് മണിയോടെ എരിയപ്പാടി ബദര്‍ ജുമാ മസ്ജിദ് ഖബര്‍സ്ഥാനില്‍ ഖബറടക്കി.

ഐ എന്‍ എല്‍ - എന്‍ വൈ എല്‍ ചെങ്കള പഞ്ചായത്ത് കമ്മിറ്റി, ഐഎന്‍എല്‍ എരിയപ്പാടി ശാഖ കമ്മിറ്റി എന്നിവര്‍ അനുശോചിച്ചു. പ്രതിസന്ധി ഘട്ടങ്ങളിലും പാര്‍ട്ടിക്കൊപ്പം അടിയുറച്ച് നിന്ന് പ്രവര്‍ത്തകര്‍ക്ക് ആവേശം നല്‍കിയ നേതാവിന്റെ വിയോഗം നാടിന് നഷ്ടമാണെന്ന് അനുശോചനക്കുറിപ്പില്‍ നേതാക്കള്‍ അറിയിച്ചു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kerala, News, Obituary, Eriyappady S. Adbul Khader Haji passes away

< !- START disable copy paste -->