● കുമ്പള ഗ്രാമപഞ്ചായത്തിൻ്റെ വാർഷിക പദ്ധതിയിൽ ഉൾപ്പെടുത്തിയാണ് നവീകരണ പ്രവൃത്തികൾ നടത്തിയത്
● ഇൻ്റർലോക്ക് പാകി സഞ്ചാരയോഗ്യമാക്കിയ പാത സ്കൂൾ വിദ്യാർഥികൾക്കും നാട്ടുകാർക്കും വലിയ ആശ്വാസമാകും
മൊഗ്രാൽ: (MyKasargodVartha) രണ്ട് കെട്ടിടങ്ങളുടെ നിർമാണവും മറ്റും മൂലം തടസ്സപ്പെട്ട് കിടന്നിരുന്ന ഇടവഴി നടപ്പാത വീണ്ടും പുനഃസ്ഥാപിച്ചു. മൊഗ്രാൽ വൊക്കേഷണൽ ഹയർ സെക്കൻഡറി സ്കൂളിലേക്ക് ദേശീയപാതയിൽ നിന്ന് വിദ്യാർഥികൾക്ക് എളുപ്പത്തിൽ എത്തിച്ചേരാനുള്ള വഴിയാണിത്.
കുമ്പള ഗ്രാമപഞ്ചായത്തിൻ്റെ 2025-26 വർഷത്തെ വാർഷിക പദ്ധതിയിൽ ഉൾപ്പെടുത്തിയാണ് നവീകരണം നടന്നത്. മുൻ പഞ്ചായത്ത് അംഗം റിയാസ് മൊഗ്രാൽ മുഖാന്തരം അനുവദിച്ച ഫണ്ട് ഉപയോഗിച്ചാണ് നടപ്പാതയിൽ ഇൻ്റർലോക്ക് പാകി പൂർണമായും സഞ്ചാരയോഗ്യമാക്കിയത്.
ദേശീയപാത നിർമാണത്തിന് മുൻപ് മൊഗ്രാൽ ടൗണിൽ നിന്ന് സ്കൂളിലെത്താൻ വിദ്യാർഥികൾ ഏറെ ആശ്രയിച്ചിരുന്ന വഴിയാണിത്. വിഎച്ച്എസ്ഇ, ഹയർ സെക്കൻഡറി സ്കൂളിലെ വിദ്യാർഥികൾക്കും ഈ വഴി നേരത്തെ ഏറെ ഉപകാരപ്പെട്ടിരുന്നു.
വിദ്യാർഥികൾക്ക് ആശ്വാസം
എന്നാൽ ദേശീയപാതയിൽ മതിലുകൾ കെട്ടിപ്പൊക്കിയതോടെ വിദ്യാർഥികൾക്ക് സ്കൂളിലെത്താൻ മൊഗ്രാൽ ടൗണിലെ അടിപ്പാത വഴിയുള്ള സ്കൂൾ റോഡിനെ ആശ്രയിക്കേണ്ടി വന്നിരുന്നു. ഇപ്പോൾ വീണ്ടും നടപ്പാത പുനഃസ്ഥാപിച്ചതോടെ കൊപ്പളം, ലീഗ് ഓഫീസ്, മൊഗ്രാൽ കടവത്ത് എന്നിവിടങ്ങളിൽ നിന്ന് സ്കൂളിലേക്ക് വരുന്ന വിദ്യാർഥികൾക്ക് ഇത് വലിയ ആശ്വാസമാകും. ഏറെ ഉപകാരപ്രദമായ ഇടവഴി നടപ്പാത പുനഃസ്ഥാപിച്ച നടപടിയെ നാട്ടുകാർ ഒന്നടങ്കം അഭിനന്ദിച്ചു.
ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.
Article Summary: The pedestrian pathway to Mogral Vocational Higher Secondary School, previously blocked by construction, has been restored using Kumbla Grama Panchayat funds.
#KasargodVartha #Mogral #Kasaragod #SchoolDevelopment #KumblaPanchayat #KeralaNews #AparnaNews