യുവകൂട്ടായ്മ പ്രവര്‍ത്തകര്‍ ശുചീകരണ പ്രവര്‍ത്തനം നടത്തി

യുവകൂട്ടായ്മ വാട്സ്ആപ്പ് ഗ്രൂപ്പിന്റെ പ്രവര്‍ത്തകര്‍ ദണ്ഡഗോളി ഖിളര്‍ ജുമാമസ്ജിദ്, ദണ്ഡഗോളി ആരോഗ്യകേന്ദ്ര പരിസരം ജെ സി ബി ഉപയോഗിച്ച് വൃത്തിയാക്കി. ആരോഗ്യ കേന്ദ്രത്തിലേക്ക് Kerala, News, Youth Group, Cleaning, Whatsapp, Health center, Madrasa Study.

ദണ്ഡഗോളി: (my.kasargodvartha.com 24.04.2018) യുവകൂട്ടായ്മ വാട്സ്ആപ്പ് ഗ്രൂപ്പിന്റെ പ്രവര്‍ത്തകര്‍ ദണ്ഡഗോളി ഖിളര്‍ ജുമാമസ്ജിദ്, ദണ്ഡഗോളി ആരോഗ്യകേന്ദ്ര പരിസരം ജെ സി ബി ഉപയോഗിച്ച് വൃത്തിയാക്കി. ആരോഗ്യ കേന്ദ്രത്തിലേക്ക് രോഗികളുമായി വരുന്ന വാഹനം നിര്‍ത്തിയിടുവാന്‍ സൗകര്യമുണ്ടായിരുന്നില്ല. രാത്രി കാലങ്ങളില്‍ മദ്രസ പഠനത്തിന് വരുന്ന കുട്ടികള്‍ക്ക് ഇഴജന്തുകളെ പേടിക്കേണ്ട അവസ്ഥയായിരുന്നു.

ഇതു മനസിലാക്കിയ യുവകൂട്ടായ്മ പ്രവര്‍ത്തകരായ ഫാറൂഖ് കൊടുവ, നൗഷാദ്, ഷമീഹ്, നൂറുദ്ദീന്‍, സിനാന്‍ തുടങ്ങിയവര്‍ ശുചീകരണ പ്രവര്‍ത്തനത്തിനായി നേതൃത്വം നല്‍കുകയായിരുന്നു. യുവാക്കളുടെ പ്രവര്‍ത്തനത്തെ ഖിളര്‍ ജുമാമസ്ജിദ് കമ്മിറ്റിയും, ആരോഗ്യ കേന്ദ്രം ഭാരവാഹികളും അഭിനന്ദിച്ചു.